कीवी हे एक असं फळ आहे जे वर्षभर सहज उपलब्ध होतं. याची बाहेरील साली खरडसर आणि तपकिरी रंगाची असते, तर आतील गर आकर्षक हिरव्या रंगाचा असतो. त्यामध्ये लहान काळे बिया असतात. विटॅमिन-सीने परिपूर्ण असलेल्या या फळामुळे प्रतिकारशक्ती वाढण्यास मदत होते.
आयुर्वेदानुसार कीवी हे ‘शीत फल’ मानलं जातं, जे शरीर थंड ठेवतं, पचनक्रिया सुधारतं आणि रक्त शुद्ध करण्यातही उपयोगी ठरतं. यामध्ये विटॅमिन-सी आणि अँटीऑक्सिडंट्स मुबलक प्रमाणात असतात, जे रोगप्रतिकारक शक्ती बळकट करण्यासाठी उपयुक्त मानले जातात.
उन्हाळ्यात कीवी खाणं आरोग्यासाठी फायदेशीर मानलं जातं, कारण ते शरीरात थंडावा निर्माण करतं.
चिकित्सकांच्या मते, कीवी हृदयाच्या रुग्णांसाठी उपयुक्त आहे. सलग २८ दिवस कीवीचं सेवन केल्यास प्लेटलेट्स हायपरअॅक्टिव्हिटी, प्लाझ्मा लिपिड्स आणि रक्तदाब नियंत्रित करण्यास मदत होऊ शकते. मात्र हृदयविकार असणाऱ्यांनी औषधोपचार सुरू ठेवत डॉक्टरांच्या सल्ल्यानेच कीवीचा आहारात समावेश करावा.
कीवीमध्ये ‘लॅक्सेटिव्ह’ गुणधर्म असतात, त्यामुळे पचनक्रियेस मदत होते आणि पोटाचे त्रास कमी होतात.
या फळात ल्यूटिन आणि झेक्सॅन्थिनसारखे अँटीऑक्सिडंट्स असतात, जे डोळ्यांसाठी उपयुक्त मानले जातात. दररोज एक कीवी खाल्ल्यास डोळ्यांचे आरोग्य टिकवून ठेवण्यास मदत होऊ शकते.
वजन संतुलित ठेवण्यासाठी कीवी हा उत्तम पर्याय आहे. यामध्ये कॅलोरी कमी आणि फायबरचं प्रमाण जास्त असल्यामुळे वजन वाढण्याचा धोका कमी होतो.
नॅशनल इन्स्टिट्यूट ऑफ हेल्थ (NIH) च्या मते, कीवीचं ग्लायसेमिक इंडेक्स कमी असल्यामुळे हे ब्लड शुगर आणि इन्सुलिनच्या पातळीला नियंत्रणात ठेवण्यास मदत करतं. त्यामुळे टाइप-२ डायबेटीस किंवा मधुमेहाचा धोका असलेल्या व्यक्तींसाठी कीवी एक आदर्श फळ ठरू शकतं.