मुंबईतील आगामी गणेशोत्सवासाठी मुंबई पोलिसांनी कडक सुरक्षा व्यवस्था ठेवली आहे. यासाठी ३६,००० पेक्षा जास्त पोलीस कर्मचारी तैनात करण्यात येणार आहेत. यामध्ये राज्य राखीव पोलीस दल (एसआरपीएफ), जलद कृती पथक (क्यूआरटी), शीघ्र कृती दल (आरएएफ) आणि दंगल नियंत्रण पोलिसांचा समावेश असेल. शहरातील १३,६०० हून अधिक सार्वजनिक गणेशोत्सव मंडळांवर आणि गर्दीच्या ठिकाणी ड्रोनने लक्ष ठेवले जाईल.
सुरक्षेसाठी विशेष तयारी
ड्रोन आणि सीसीटीव्ही कॅमेऱ्यांनी देखरेख: उत्सवावर लक्ष ठेवण्यासाठी ८,४०० हून अधिक सीसीटीव्ही कॅमेरे आणि ड्रोन वापरले जातील. वाहतूक व्यवस्थापन: वाहतूक सुरळीत ठेवण्यासाठी ४ हजारहून अधिक वाहतूक पोलीस तैनात केले जातील. विसर्जन मिरवणुकीच्या दिवशी गर्दी टाळण्यासाठी ग्रीन कॉरिडॉरची व्यवस्था केली जाईल. महिला सुरक्षा: महिलांच्या सुरक्षेसाठी १,६०० पेक्षा जास्त महिला पोलीस कर्मचारी विशेषतः तैनात असतील. साध्या वेशातील पोलीस: गर्दीच्या ठिकाणी चोरांवर आणि गैरकृत्ये करणाऱ्यांवर लक्ष ठेवण्यासाठी साध्या वेशातील पोलीस नेमले जातील.
हे ही वाचा :
आप नेते सौरभ भारद्वाज यांच्या घरावर ईडीचा छापा!
मोदींच्या स्वागतासाठी अहमदाबाद सज्ज
भारताच्या धास्तीचे कारण स्वस्त, मस्त तरीही घातक
१३० वी घटनादुरुस्ती विधेयक मजबूत शास्त ठरणार
लालबागच्या राजासाठी खास बंदोबस्त: लालबागच्या राजाच्या मंडळासाठी ८,००० हून अधिक पोलीस तैनात केले जातील, ज्यात बॉम्बशोधक आणि श्वान पथकाचा समावेश असेल. येथे जवळपास १,२०० वाहतूक पोलीस आणि ३ ते ४ पोलीस उपायुक्त (DCP) दर्जाचे अधिकारी असतील. पोलिसांनी नागरिकांना आवाहन केले आहे की, दर्शनासाठी मौल्यवान दागिने घालू नयेत आणि आपल्या मोबाईल फोनची काळजी घ्यावी. लहान मुलांसोबत येणाऱ्या कुटुंबांना विशेष काळजी घेण्याचा सल्ला देण्यात आला आहे.