भारतीय अंतराळ संशोधन संस्था (इस्रो) ने एअर ड्रॉप टेस्ट यशस्वीरीत्या पार पाडली असून, गगनयान मानवी अंतराळ उड्डाण मोहिमेला पुढे नेण्यात हा एक महत्त्वाचा मैलाचा दगड मानला जात आहे. श्रीहरिकोटा येथील सतीश धवन स्पेस सेंटर (एसडीएससी) मध्ये झालेला पहिला इंटिग्रेटेड एअर ड्रॉप टेस्ट (IADT-01) हा इस्रो, भारतीय वायुसेना, डीआरडीओ, भारतीय नौदल आणि भारतीय तटरक्षक दल यांचा संयुक्त उपक्रम होता.
भारतीय अंतराळ संस्थेने सोशल मीडिया प्लॅटफॉर्म X वर पोस्ट करताना म्हटले की, “गगनयान मोहिमेसाठी पॅराशूट-आधारित डीसिलरेशन सिस्टीमच्या संपूर्ण कामगिरीसाठी पहिला इंटिग्रेटेड एअर ड्रॉप टेस्ट (IADT-01) इस्रोने यशस्वीरीत्या पूर्ण केला आहे.” ही चाचणी पॅराशूट-आधारित डीसिलरेशन सिस्टीमच्या सिस्टम लेव्हल क्वालिफिकेशन चा एक भाग आहे. यामध्ये बनावट क्रू मॉड्यूल हेलिकॉप्टरमधून खाली सोडण्यात आले आणि त्याला डीसिलरेशन सिस्टीमशी जोडण्यात आले.
हेही वाचा..
गाझा रुग्णालयावर इस्रायलच्या हल्ल्यात पत्रकारांसह १५ जणांचा मृत्यू!
“उपराष्ट्रपतींच्या राजीनाम्याच्या चर्चा निराधार”
“बिहारात INDI आघाडीची दिशा भरकटली, लोकांचा विश्वास उडाला”
इस्रोने सांगितले, “गगनयान मोहिमेत, क्रू मॉड्यूल (CM) समुद्रात उतरतानाच्या शेवटच्या टप्प्यात पॅराशूट-आधारित डीसिलरेशन सिस्टीमचा वापर केला जातो, जेणेकरून टचडाउन वेग सुरक्षित मर्यादेत आणून समुद्रात सुरक्षित लँडिंग करता येईल.” IADT-01 दरम्यान, पॅराशूट प्रणाली व तिची मांडणी गगनयान मोहिमेतील प्रणालीसारखीच ठेवली गेली होती. या प्रणालीत १० पॅराशूट होते. ४.८ टन वजनाचे बनावट क्रू मॉड्यूल भारतीय वायुसेनेच्या चिनूक हेवी-लिफ्ट हेलिकॉप्टरमधून सुमारे ३ किमी उंचीवरून खाली सोडण्यात आले.
इस्रोने स्पष्ट केले की, डीसिलरेशन सिस्टीमची सुरुवात ACS मोर्टार फायरिंग ने झाली, ज्यामुळे २.५ मीटरचा ACS पॅराशूट तैनात झाला आणि त्यानंतर एपेक्स कव्हर वेगळे करण्यात आले. ड्रॉग पॅराशूटने प्रथम टप्प्यात डीसिलरेशन पुरवले, त्यानंतर ते सोडून देण्यात आले आणि मग तीन पायलट पॅराशूटद्वारे तीन मुख्य पॅराशूट तैनात करण्यात आले. इस्रोने सांगितले की, “स्प्लॅशडाउननंतर बनावट क्रू मॉड्यूल यशस्वीरीत्या परत मिळवण्यात आले आणि आयएनएस अन्वेषा या जहाजाद्वारे चेन्नई बंदरावर आणले गेले. याशिवाय, “अंडरस्लंग बॉडीच्या गतीशास्त्राचा अभ्यास करण्यासाठी हेलिकॉप्टर आणि CM यांची व्यापक मॉडेलिंग करण्यात आली,” असेही सांगण्यात आले. TAB ची मंजुरी मिळण्यापूर्वी अनेक प्रायोगिक उड्डाणे पार पाडण्यात आली होती. आगामी दिवसांत विविध परिस्थितींमध्ये अशाच चाचण्या करण्याची योजना असल्याचे इस्रोने सांगितले.