‘असोसिएशन ऑफ इंडियन युनिव्हर्सिटीज’ने अल- फलाह विद्यापीठाचे सदस्यत्व केले निलंबित

लाल किल्ला बॉम्बस्फोटातील आरोपींचा संबंध हरियाणाच्या अल- फलाह विद्यापीठाशी असल्याचे उघड झाल्यानंतर विद्यापीठाच्या अडचणींमध्ये वाढ झाली आहे. विद्यापीठाच्या वेबसाइटवर NAAC कडून खोटी मान्यता दाखवल्याबद्दल कारणे दाखवा नोटीस मिळाली असून विद्यापीठाचे व्यवहार ईडीच्या रडारवर देखील आले आहेत. अशातच आता असोसिएशन ऑफ इंडियन युनिव्हर्सिटीजने (एआययू) अल- फलाह विद्यापीठाला दणका दिला आहे.

अल- फलाह विद्यापीठातील अनेक डॉक्टर दहशतवादी कारवायांमध्ये सहभागी असल्याचे आढळल्यानंतर असोसिएशन ऑफ इंडियन युनिव्हर्सिटीज (एआययू) ने १३ नोव्हेंबर रोजी विद्यापीठाचे सदस्यत्व निलंबित केले आहे. एआययूने जारी केलेल्या निवेदनात म्हटले आहे की, अल-फलाह विद्यापीठाला दिलेले सदस्यत्व तात्काळ प्रभावाने निलंबित करण्यात आले आहे.

एआययूने म्हटले आहे की, “असे सूचित केले जाते की, असोसिएशन ऑफ इंडियन युनिव्हर्सिटीज (एआययू) च्या उपनियमांनुसार, सर्व विद्यापीठे चांगल्या स्थितीत राहिल्यास त्यांना सदस्य मानले जाईल. तथापि, मीडिया रिपोर्ट्सनुसार, असे लक्षात आले आहे की अल- फलाह विद्यापीठ, फरीदाबाद, हरियाणा हे चांगल्या स्थितीत नसल्याचे दिसून येते. त्यानुसार, अल- फलाह विद्यापीठ, फरीदाबाद, हरियाणा यांना दिलेले एआययूचे सदस्यत्व तात्काळ प्रभावाने निलंबित करण्यात येत आहे.”

हे ही वाचा..

“बिहार जिंकले आता लक्ष्य पश्चिम बंगालवर”

‘त्या’ क्लिपबद्दल बीबीसीने ट्रम्प यांची माफी मागितली पण नुकसानभरपाई देण्यास नकार

दिल्ली स्फोटातील प्रमुख आरोपी डॉ. उमर नबीचे पुलवामामधील घर आयईडीने उडवले

सुमेध वडावाला लिखित ‘कार्यकर्ता’ आत्मकथेला पुरस्कार

तसेच असोसिएशन ऑफ इंडियन युनिव्हर्सिटीजने पुढे म्हटले आहे की, अल- फलाह विद्यापीठाला आता त्यांच्या कोणत्याही उपक्रमात एआययूचे नाव किंवा लोगो वापरण्याचा अधिकार नाही आणि एआययूचा लोगो विद्यापीठाच्या अधिकृत वेबसाइटवरून त्वरित काढून टाकावा, असे निर्देश देण्यात आले आहेत. १० नोव्हेंबर रोजी झालेल्या स्फोटानंतर अवघ्या तीन दिवसांत हा निर्णय घेण्यात आला आहे. विद्यापीठाशी संबंधित तीन डॉक्टर दहशतवादी कारवायांमध्ये काम करत असल्याचे आढळून आले आहे. डॉ. उमर उन नबी, डॉ. मुझम्मिल शकील गनी आणि डॉ. शाहीन सईद. हल्ल्यात मृत्युमुखी पडलेल्या स्फोटकांनी भरलेल्या वाहनाचा चालक डॉ. उमर होता. तर, स्फोटाच्या काही दिवस आधी मुझम्मिल आणि शाहीन यांना अटक करण्यात आली होती आणि त्यांच्याकडून मोठ्या प्रमाणात स्फोटके आणि शस्त्रे जप्त करण्यात आली होती.