काँग्रेसचे राष्ट्रीय अध्यक्ष मल्लिकार्जुन खरगे यांनी राष्ट्रपती द्रौपदी मुर्मू यांच्याबद्दल केलेल्या वक्तव्यावर मध्य प्रदेशातील भाजप नेत्यांनी तीव्र आक्षेप नोंदवले आहेत. भाजप नेत्यांचे म्हणणे आहे की, काँग्रेसने नेहमीच आदिवासी समाजाचा अपमान केला असून आता तर संपूर्ण काँग्रेस पक्षच सुटला आहे. मध्य प्रदेशचे मंत्री विश्वास सारंग यांनी खरगे यांच्या वक्तव्यावर प्रतिक्रिया देताना म्हटले की, काँग्रेस पक्षाने सुरुवातीपासूनच आदिवासी वर्गाचा अपमान केला आहे, मात्र आता सीमा ओलांडली आहे. जेव्हा देशाच्या सर्वोच्च घटनात्मक पदावर विराजमान असलेल्या राष्ट्रपती द्रौपदी मुर्मू यांचाच अपमान करण्यात आला, तेव्हा हे पूर्णपणे असंवैधानिक ठरते. काँग्रेसने सर्व मर्यादा ओलांडल्या असल्याचेही त्यांनी सांगितले.
ते पुढे म्हणाले, काँग्रेसने आदिवासी वर्गाचा नेहमी विरोध केला आहे. आदिवासी समाजात जन्मलेल्या राष्ट्रपतींचा अपमान देश सहन करणार नाही. भाजपचे आमदार रामेश्वर शर्मा यांनीही काँग्रेस अध्यक्षाच्या वक्तव्यावर तीव्र नाराजी व्यक्त करत म्हटले की, सत्ता मिळत नाही म्हणून काँग्रेस वेडपट झाली आहे. हे लोक इतके बिथरले आहेत की त्यांना पदाची गरिमा समजत नाही. न्यायपालिका असो, राष्ट्रपती असोत, निवडणूक आयोग असो – काँग्रेसचे नेते प्रत्येक घटनात्मक संस्थेवर टीका करत आहेत. ४० वर्षे सत्तेची मलाई खाल्लेली काँग्रेस, जी जनतेचा पैसा लुटत होती, तीच आता राष्ट्रपतीपदालाही गाल्या घालते आहे, असा आरोप त्यांनी केला.
हेही वाचा..
हिंदी-मराठी वादावर उदित नारायण यांनी काय केले भाष्य
‘लठ्ठपणा’च्या विळख्यात आहेत चिमुरडी
रेल्वे मंत्री अश्विनी वैष्णव यांना पितृशोक
पश्चिमोत्तानासनाचा प्रभावी उपाय कशाकशावर ?
सारंग पुढे म्हणाले, महात्मा गांधी आणि संविधान निर्माता बाबासाहेब आंबेडकर यांना वाटत असेल की, एक दिवस जंगल राखणारा आदिवासी समाज देशाचे नेतृत्व करेल, देशाचा स्वाभिमान उंचावेल. पण जेव्हा राष्ट्रपतींबद्दल अशोभनीय शब्द वापरले जातात, तेव्हा यावरून समजते की हे लोक सध्या कशा अवस्थेतून जात आहेत. सोनिया गांधी आणि राहुल गांधींच्या दबावाखाली खरगे असे अपमानकारक वक्तव्य करत असतील, तर हे अत्यंत खेदजनक आहे. खरगे यांच्याकडून अशा प्रकारची अपेक्षा नव्हती, असेही त्यांनी स्पष्ट केले.