कर्नाटक विधानसभेत उपमुख्यमंत्री डी.के. शिवकुमार यांनी राष्ट्रीय स्वयंसेवक संघाचे (RSS) गीत म्हटल्यानंतर राजकीय वर्तुळात चर्चेला उधाण आलं आहे. या घटनेवर प्रतिक्रिया देताना कर्नाटक भाजपचे प्रदेशाध्यक्ष बी.वाय. विजयेंद्र यांनी टोला लगावला असून, त्यांनी शिवकुमार यांना “कर्नाटकाचे मोठे कलाकार” असं संबोधलं आहे.
खरे तर, काल (२० ऑगस्ट) कर्नाटक विधानसभेत चालू चर्चेदरम्यान डी.के. शिवकुमार यांनी अचानक संघाचं पारंपरिक प्रार्थना गीत उच्चारलं. ही घटना चिन्नास्वामी स्टेडियममधील चेंगराचेंगरी प्रकरणावरील चर्चेदरम्यान घडली. भाजप आमदारांनी शिवकुमार यांच्यावर आरसीबी संघासह विमानतळापासून स्टेडियमपर्यंत मिरवणूक काढून गर्दीला भडकवल्याचा आरोप केला, ज्यामुळे परिस्थिती आणखी बिकट झाली. त्यांच्या बचावात शिवकुमार म्हणाले, “मी राज्य क्रिकेट संघटनेचा सदस्य आहे आणि बेंगळुरूचा प्रभारी मंत्री म्हणून उपस्थित होतो. मी संघाला शुभेच्छा दिल्या आणि चषकाचे चुंबन घेतले, हे माझे काम होते. अशा घटना इतर राज्यांमध्येही घडल्या आहेत.”
चर्चेदरम्यान, विरोधी पक्षनेते आर. अशोक यांनी त्यांना आरएसएसच्या चड्डी घालण्याबद्दलच्या त्यांच्या वक्तव्याची आठवण करून दिली तेव्हा शिवकुमार यांनी अचानक आरएसएसची प्रार्थना गायला सुरुवात केली. यामुळे संपूर्ण सभागृहात हास्याचा एकच गोंधळ उडाला आणि भाजप आमदार व्ही. सुनील कुमार विनोदाने म्हणाले, “आशा आहे की या ओळी रेकॉर्डमधून काढून टाकल्या जाणार नाहीत.” त्यांच्या या कृतीला भाजप आमदारांनी टाळ्यांचा कडकडाट केला, तर काँग्रेसच्या बाकांवर शांतता होती.
हे ही वाचा :
“छत्तीसगडमध्ये नक्षलवाद्यांची अमानुष क्रूरता: तिरंगा फडकवल्याबद्दल तरुणाची हत्या!”
चिकन नेक भागात बांगलादेशी प्रभाव वाढतोय, सुरक्षेसाठी मोठा धोका!
“पंतप्रधान मोदी बिहारला आले की महाआघाडीचे नेते थरथर कापतात”
“लसीकरणानंतर भटक्या कुत्र्यांना मूळ भागातच सोडा”
दरम्यान, उपमुख्यमंत्री डी.के. शिवकुमार यांच्या या भूमिकेवर कर्नाटक भाजपचे प्रदेशाध्यक्ष बी.वाय. विजयेंद्र यांनी टोला लगावला. ते म्हणाले, “डी.के. शिवकुमार हे कर्नाटकाचे मोठे कलाकार आहेत. विधानसभेत आणि सभेबाहेर बोलण्यात ते तज्ज्ञ आहेत. हेही एक कौशल्य आहे, जे आपल्यालाही शिकायला हवं.” ते पुढे म्हणाले, “ते RSSचं गीत म्हणाले, हे खरंय. पण कृपया त्यांना फारसं गंभीरपणे घेऊ नका.”
#WATCH | Bengaluru | On Karnataka Deputy CM DK Shivakumar reciting the RSS anthem in the Karnataka Assembly yesterday, Karnataka BJP President BY Vijayendra says, "DK Shivakumar is a big artist of Karnataka. He is an expert at speaking inside and outside the Vidhan Sabha. We also… pic.twitter.com/QAadTIqH0y
— ANI (@ANI) August 22, 2025
