लष्कराच्या ताकदीत मोठी वाढ करत, पुढील २-३ आठवड्यांत सुमारे ७,००० कलाश्निकोव AK-203 रायफल्स भारतीय लष्कराला मिळणार आहेत, अशी माहिती सूत्रांनी दिली. उत्तर प्रदेशातील अमेठी येथे भारत-रशिया संयुक्त उपक्रमांतर्गत तयार होत असलेल्या सुमारे ४८,००० AK-203 रायफल्स मागील १८ महिन्यांत वितरित करण्यात आल्या आहेत.
२०२६ मध्ये आणखी एक लाख रायफल्स वितरित होणार आहेत. ‘इंडो-रशियन रायफल्स प्रायव्हेट लिमिटेड’ (IRRPL) या कंपनीने सांगितले की, या वर्षाअखेर १००% देशी उत्पादन साध्य केले जाईल. सध्या या रायफल्स ५०% देशी घटकांसह तयार केल्या जात आहेत.
भारतीय लष्कराने INSAS रायफल्सला हटवून AK-203 ला पसंती दिली आहे.
वितरणाचा आराखडा:
-
आत्तापर्यंत वितरित रायफल्स: ४८,०००
-
ऑगस्ट २०२५: ७,००० रायफल्स
-
डिसेंबर २०२५: १५,००० रायफल्स
-
एकूण संरक्षण मंत्रालयाचा आदेश: ६,०१,४२७ रायफल्स
-
पूर्ण ऑर्डर वितरणाची मुदत: डिसेंबर २०३० (मूळ मुदतीपेक्षा २२ महिने आधी)
हे ही वाचा:
ईडीकडून रॉबर्ट वाड्रासह ११ जणांविरोधात आरोपपत्र
पाकिस्तानात पावसामुळे ६० जणांचा मृत्यू
मुंबईत ईडीचे छापे: छंगूर बाबा संबंधित कथित धर्मांतर रॅकेट प्रकरणी चौकशी सुरू
काँग्रेसच्या काळात राजस्थान पेपरफुटीने होता त्रस्त
AK-203 रायफल्सचे फायदे:
-
कलाश्निकोव मालिकेची सुधारित आवृत्ती, अधिक अचूक आणि हलकी
-
उच्च-उंचीवरील युद्ध व दहशतवादविरोधी मोहिमा यासाठी उपयुक्त
-
७०० राउंड्स प्रति मिनिट वेगाने गोळीबार
-
८०० मीटर रेंज
-
रशियाकडून तंत्रज्ञान हस्तांतरणासह, जुलै २०२१ मध्ये ५००० कोटींचा करार
जानेवारी २०२३ पासून लायसन्स प्रोडक्शन सुरू झाले.
भविष्यातील उत्पादन क्षमता:
१००% देशीकरण झाल्यानंतर दरमहा १२,००० रायफल्स, दर १०० सेकंदात एक रायफल, एक वर्षात सुमारे १.५ लाख रायफल्सचे उत्पादन अपेक्षित आहे.
IRRPL चे अध्यक्ष मेजर जनरल एस. के. शर्मा यांनी सांगितले की, कुठल्याही तक्रारींशिवाय रायफल्स भारतीय लष्करात यशस्वीरित्या वापरल्या जात आहेत आणि काही आफ्रिकन व मध्यपूर्व देशांकडून निर्यातीसाठीही विचारणा झाली आहे.