भारतीय गिर्यारोहकांच्या एका पथकाने जगातील सर्वोच्च शिखर माउंट एव्हरेस्ट (८,८४८.८६ मीटर) यशस्वीरित्या सर करत ऐतिहासिक कीर्तिमान प्रस्थापित केला आहे. या मोहिमेत भारतीय लष्कराचे जवान, प्रशिक्षक आणि वरिष्ठ अधिकारी सहभागी होते. संयुक्त गिर्यारोहण पथकात देशातील प्रमुख गिर्यारोहण संस्था जवाहर इन्स्टिट्यूट ऑफ माउंटेनियरिंग अँड विंटर स्पोर्ट्स (पहलगाम), नेहरू इन्स्टिट्यूट ऑफ माउंटेनियरिंग (उत्तरकाशी) आणि हिमालयन माउंटेनियरिंग इन्स्टिट्यूट (दार्जिलिंग) यांच्या प्रशिक्षकांचा समावेश होता. या पथकाने २३ मे २०२५ रोजी माउंट एव्हरेस्ट यशस्वीरित्या सर केली.
संरक्षण मंत्रालयाने रविवारी दिलेल्या माहितीनुसार, ही मोहीम २६ मार्च २०२५ रोजी सुरू झाली होती. संरक्षण राज्यमंत्री संजय सेठ यांनी नवी दिल्ली येथून हिरवा झेंडा दाखवून पथकाला रवाना केलं होतं. पथकाचं नेतृत्व नेहरू इन्स्टिट्यूट ऑफ माउंटेनियरिंगचे प्राचार्य कर्नल अंशुमान भदौरिया आणि जवाहर इन्स्टिट्यूट ऑफ माउंटेनियरिंगचे प्राचार्य कर्नल हेमचंद्र सिंह यांनी केलं. पथकात पाच अनुभवी प्रशिक्षकांचा समावेश होता :
हेही वाचा..
भारत बनला चौथ्या क्रमांकाची सर्वात मोठी अर्थव्यवस्था
राहुल गांधी यांच्या बौद्धिक क्षमतेवर विचार होणे आवश्यक
मधाचे उत्पन्न वाढल्याने पंतप्रधान खुश
हवलदार राजेंद्र मुखिया (जवाहर इन्स्टिट्यूट),
राकेश सिंह राणा (नेहरू इन्स्टिट्यूट),
सूबेदार बहादुर पाहन,
पासंग तेनजिंग शेर्पा आणि
हवलदार थुप्स्तन त्सेवांग (हिमालयन माउंटेनियरिंग इन्स्टिट्यूट).
माउंट एव्हरेस्ट मोहिमेपूर्वी १८ एप्रिल २०२५ रोजी पथकाने अनुकूलता वाढवण्यासाठी माउंट लोबुचे (६,११९ मीटर) यशस्वीरित्या सर केला होता. एव्हरेस्ट मोहिमेदरम्यान अत्यंत प्रतिकूल हवामान आणि उंचीच्या कठीणतेचा सामना करत, पथकाने अदम्य धैर्य, दृढनिश्चय आणि अनुकरणीय संघभावना दाखवली. संरक्षण मंत्रालयाने म्हटलं की, या कामगिरीने भारतीय गिर्यारोहण इतिहासात एक नवा मैलाचा दगड रोवण्यात आला आहे. सध्या हे पथक सुरक्षितपणे एव्हरेस्ट बेस कॅम्पहून उतरून काठमांडूकडे वाटचाल करत आहे.
विशेष म्हणजे, याच महिन्यात राष्ट्रीय कॅडेट कोर (NCC) च्या गिर्यारोहण पथकानेही १८ मे रोजी माउंट एव्हरेस्ट यशस्वीरित्या सर केली होती. ही एनसीसीची तिसरी यशस्वी चढाई होती. यापूर्वी २०१३ आणि २०१६ मध्येही त्यांनी एव्हरेस्ट सर केलं होतं. या वर्षीच्या मोहिमेची विशेष बाब म्हणजे, दहा सदस्यीय कैडेट पथकाने उल्लेखनीय कामगिरी केली असून, त्यात नवीन प्रशिक्षण घेतलेले गिर्यारोहक सहभागी होते.