मुसळधार पावसात रविवारी सकाळी मुंबईतील घाटकोपर पूर्व भागात एका इमारतीचा काही भाग कोसळला. घाटकोपर पूर्वेतील राजावाडी कॉलनीतील चित्तरंजन नगर परिसरात सकाळी ९.३३ वाजण्याच्या सुमारास त्रिमूर्तीनगर पोलीस ठाण्याजवळ इमारत कोसळल्याची घटना घडली.
ही इमारत दोन मजली होती. पूर्व उपनगरातील पॉश परिसर घाटकोपरमध्ये ही घटना घडली आहे. ढिगाऱ्याखाली तीन जण अडकले असून, बचावकार्य सुरू आहे. अग्निशमन दल आणि पोलीस घटनास्थळी दाखल झाले असून, ते ढिगारा हटवण्यासाठी अवजड यंत्रसामग्री वापरत आहेत. संपूर्ण जून महिना प्रतीक्षा केल्यानंतर अखेर शनिवारी मुंबईमध्ये पावसाचे आगमन झाले. शहरासह उपनागरांमध्ये बरसलेल्या पावसांच्या थेंबांमुळे मुंबईकर सुखावले. असह्य उकाडा आणि उन्हाच्या चटक्याचे हे वातावरण अवघ्या एका रात्रीत बदलले.
हे ही वाचा:
‘पंतप्रधान मोदी’ आणि ‘इजिप्तचे पंतप्रधान मोस्तफा मादबौली’ यांची भेट!
वॅग्नरच्या बंडानंतर झेलेन्स्की काय म्हणाले?
पंतप्रधान मोदींचा पराभव करण्यासाठी १५ पक्ष एकत्र येतात हाच त्यांच्या कर्तृत्वाचा विजय
सुरक्षा दलाच्या जवानांनी जप्त केले १० कोटींचे हेरॉईन
बीएमसीच्या आपत्ती व्यवस्थापन विभागाच्या मुख्य अधिकारी रश्मी लोखंडे यांनी एएनआय या वृत्तसंस्थेला सांगितले की , इमारत कोसळण्याचे कारण अद्याप समजू शकले नाही, मात्र इमारत जुनी व जीर्ण असल्याचा संशय व्यक्त केला जात आहे. ही इमारत रहिवाशांनी रिकामी केली होती, मात्र अजूनही काही लोक तिथे राहत होते.
“घाटकोपर (पूर्व) येथील राजावाडी कॉलनीमध्ये या इमारतीचा काही भाग कोसळला. ४ जणांना सुखरूप बाहेर काढण्यात आले आहे आणि २ लोक अजूनही आत अडकले असून, बचावकार्य सुरू आहे. एनडीआरएफचे सहाय्यक कमांडंट सारंग कुर्वे यांनी ही माहिती दिली. ते म्हणाले की, इमारतीची जमिनीची पातळी पूर्णपणे घसरली आहे, त्यामुळे अडकलेल्या लोकांपर्यंत पोहोचण्यास थोडा वेळ लागू शकतो. त्याने असेही सांगितले की त्याच्या टीमकडे पीडित-लॉकेटिंग कॅमेरे उपलब्ध आहेत, ज्याचा उपयोग अडकलेल्या रहिवाशांना शोधण्यासाठी केला जातो.
शहरात शनिवारपासून संततधार पाऊस सुरू आहे. अनेक ठिकाणी पाणी साचल्याचे वृत्त आहे. आतापर्यंत मुंबई शहरात १०४ मिमी पाऊस झाला आहे. घाटकोपर असलेल्या पूर्व उपनगरात १२३ मिमी पाऊस झाला. पश्चिम उपनगरात १३९ मिमी पावसाची नोंद झाली आहे.