जम्मू-काश्मीरमध्ये ८०व्या स्वातंत्र्यदिनानिमित्त एक वेगळंच दृश्य पाहायला मिळालं. पाकिस्तानव्याप्त काश्मीरमधून (PoK) कारवाया करणारा लष्कर-ए-तैयबाचा टॉप कमांडर अबिद रमजान शेख याच्या शोपियांमधील घरावर त्याच्या आई-वडिलांनी तिरंगा फडकावला. घराच्या गच्चीवर दोघेही तिरंगा फडकवताना दिसले.
अबिद रमजान शेख हा सुरक्षा यंत्रणांच्या मोस्ट वॉन्टेड दहशतवाद्यांच्या यादीत असल्याचं वृत्त आहे. तो सध्या पाकिस्तानव्याप्त काश्मीरमधून कार्यरत असल्याचं सांगितलं जातं. काश्मीर खोऱ्यातील अनेक दहशतवादी घटनांमध्ये त्याचा सहभाग असल्याचा आरोप आहे. तसेच, बिगर-काश्मीरी मजुरांवर लक्ष केंद्रित करून हल्ले करण्याचे आदेश दिल्याचंही वृत्त आहे. त्यामुळे त्याच्याच कुटुंबीयांनी स्वातंत्र्यदिनी घरावर तिरंगा फडकावल्याची घटना विशेष चर्चेत आली आहे.
या घटनेमुळे २०२१ मधील एका प्रसंगाचीही आठवण झाली. हिजबुल मुजाहिदीनचा कमांडर बुरहान वानी याचे वडील मुजफ्फर वानी यांनी त्यावेळी स्वातंत्र्यदिनी तिरंगा फडकावला होता. ते सरकारी शाळेचे शिक्षक आणि तत्कालीन मुख्याध्यापक होते. त्यांनी शाळेत राष्ट्रध्वज फडकावून शिक्षकांसोबत राष्ट्रगीतही म्हटलं होतं.
हे ही वाचा:
एकाच फ्लाइट नंबरची दोन विमानं आमनेसामने; अमेरिकेत नेमके काय झाले?
चीनच्या बाजारात भारतीय वस्तूंची मागणी वाढली
‘टीटीपी’मध्ये सामील होण्याचा प्लॅन? बंगळूरूमधून असफूल मलिकला अटक
मोदींचा ‘बांधणी फेटा’ चर्चेत; वस्त्रपरंपरेला अनोखी मानवंदना!
दरम्यान, यंदा जम्मू-काश्मीरमध्ये स्वातंत्र्यदिनाचे कार्यक्रम शांततेत पार पडल्याचं वृत्त आहे. मुख्यमंत्री ओमर अब्दुल्ला यांनी आपल्या भाषणात जम्मू-काश्मीरला पुन्हा राज्याचा दर्जा आणि इतर घटनात्मक हमी बहाल करण्यासाठी सरकार कटिबद्ध असल्याचं म्हटलं. तर उपराज्यपाल मनोज सिन्हा यांनी लोकभवनात तिरंगा फडकावला आणि सर्वसमावेशक समाजासाठी नागरिकांनी एकजुटीने काम करण्याचं आवाहन केलं.