पंतप्रधानांचे पुतणे सचिन मोदी पोहोचले ‘महाकुंभात’, गायले कबीरांचे भजन! 

उत्तर प्रदेशातील प्रयागराज येथे सुरू असलेल्या महाकुंभासाठी देशभरातून आणि जगभरातून लोक येत आहेत. आतापर्यंत सुमारे ८ कोटी भाविकांनी संगमात स्नान केले असून हा सिलसिला सुरूच आहे. दरम्यान, महाकुंभात भजन-कीर्तन गाणाऱ्या तरुणांचा एक व्हिडिओ सोशल मीडियावर व्हायरल झाला आहे. विशेष म्हणजे, व्हायरल झालेल्या व्हिडीओमध्ये दुसरे कोणी नसून पंतप्रधान नरेंद्र मोदी यांचे पुतणे सचिन मोदी आहेत. मित्रांसोबत त्यांनी भजनाचा आनंद लुटला.  आपल्या दोन मित्रांसह त्यांनी संत कबीरांचे भजन गायले.

महाकुंभाच्या प्रवासात सामील झालेले सचिन मोदी यांचे दोन्ही मित्र सनदी लेखापाल आहेत. भजनातील मधुर स्वर आणि सोप्या शैलीने उपस्थित भाविकांना त्यांनी मंत्रमुग्ध केले. सचिन मोदी यांनी कोणतीही विशेष व्यवस्था न करता सामान्य भक्ताप्रमाणे महाकुंभात सहभाग घेतला.