अभिनेत्री उर्फी जावेद म्हणाली, इस्लाम अमान्य, मुस्लीमाशी लग्न नाही, भगवद्गीता वाचते!

रंगेबेरंगी अशा असामान्य ड्रेस आणि विविध विधानांमुळे चर्चेत राहणारी अभिनेत्री उर्फी जावेद पुन्हा एकदा चर्चेत आली आहे. तथापि, यावेळी ती तिच्या कपड्यांमुळे नाही तर ती तिच्या एका विधानामुळे. मीडिया रिपोर्ट्सनुसार, उर्फी जावेद म्हणाली की ती इस्लामवर विश्वास ठेवत नाही आणि मुस्लिम धर्माचे पालन करत नाही. लग्नाबाबत अभिनेत्रीने असेही म्हटले की ती मुस्लिम मुलाशी लग्न करणार नाही. तसेच भगवद्गीता वाचत असल्याचे तिने सांगितले.

अभिनेत्री उर्फी जावेदने सांगितले की, तिचे वडील अत्यंत रूढीवादी होते आणि ती फक्त १७ वर्षांची असताना तिला आणि तिच्या भावंडांना आईकडे सोडून गेले. अशा परिस्थितीत, त्यांचा असा विश्वास आहे की, मुस्लिम पुरुष महिलांना एका विशिष्ट मर्यादेत बंदिस्त ठेवू इच्छितात.

हे ही वाचा : 

एक नजर इंदिरा गांधी यांच्या काळातील अर्थसंकल्पावर !

‘राक्षेला पराभूत ठरविणाऱ्या पंचांना गोळ्या घातल्या पाहिजेत!’

दहशतवाद्यांनी केलेल्या गोळीबारात लष्कराचा निवृत्त जवान हुतात्मा

इंग्लंडच्या प्रिन्स एडवर्ड यांची राज्यपालांशी भेट

ती पुढे म्हणाली, धर्माचे पालन न केल्यामुळे लोक मला नापसंत करतात आणि ट्रोल करतात. अशा परिस्थितीत ती इस्लामवर विश्वास ठेवत नाही. मुस्लीम मुले त्यांच्या विचारसरणीनुसार महिलांवर नियंत्रण ठेवतात, म्हणून त्यांच्याशी लग्न करायचे नसल्याचे अभिनेत्रीने म्हटले. एवढेच नाही तर, अभिनेत्री म्हणाली की सध्या ती हिंदू धर्म चांगल्या प्रकारे समजून घेण्यासाठी भगवद्गीता वाचत आहे. तसेच तिला हिंदू धर्माबद्दल अधिक जाणून घ्यायचे आहे. यासह वेगवेगळ्या धर्मांबद्दल जाणून घेण्याची उत्सुकता असल्याचे तिने सांगितले.