केंद्रात काँग्रेसची सत्ता येऊ दे मग मोदींना मारू; पंतप्रधानांना जीवे मारण्याची धमकी

- Advertisement -

पंतप्रधान नरेंद्र मोदी यांना जीवे मारण्याची धमकी एका तरुणाने दिली असून यामुळे खळबळ उडाली आहे. कर्नाटकमधील मोहम्मद रसूल कद्दारे नावाच्या एका व्यक्तीने पंतप्रधान नरेंद्र मोदी यांनी जीवे मारण्याची धमकी दिली आहे. त्याने समाजमाध्यमांवर हातात तलवार घेऊन एक व्हिडीओ शेअर केला आहे. केंद्रात काँग्रेसची सत्ता आल्यास मोदींना जीवे मारणार अशी धमकी त्याने या व्हिडीओच्या माध्यमातून दिली आहे. या व्यक्तीविरोधात गुन्हा दाखल करण्यात आला आहे.

देशात सध्या निवडणूकीपूर्वीचे वारे वाहत असून आगामी लोकसभा निवडणुकीची घोषणा कोणत्याही क्षणी होण्याची शक्यता आहे. एकीकडे विरोधकांचा जागावाटपाचा तिढा सुटत नसताना भाजपाने आपल्या उमेदवारांची पहिली यादी जाहीर केली आहे. अशातच कर्नाटकमधील मोहम्मद नावाच्या या व्यक्तीने केंद्रात काँग्रेसचे सरकार आल्यास मी मोदींना जीवे मारणार, अशी धमकी दिली आहे. या थेट धमकीच्या व्हिडीओमुळे सध्या एकच खळबळ उडाली आहे. हा व्हिडीओ सोशल मीडियावर व्हायरल झाला असून त्याच्यावर गुन्हा दाखल करण्यात आला आहे. गुन्हा दाखल झाल्यानंतर आरोपी मोहम्मद हा फरार आहे. पोलीस सध्या त्याचा शोध घेत आहेत.

Karnataka | An FIR has been registered against Mohammed Rasool Kaddare at Yadgiri's Surpur police station. He shared a video on social media where he threatened to kill PM Modi if the Congress government came to power at the Centre. FIR has been registered under section…

— ANI (@ANI) March 5, 2024

हे ही वाचा:

स्वतःच्या जुळ्या मुलांना पाहण्याआधी पंतप्रधान मोदी यांच्या स्वागतासाठी धाव

डोनाल्ड ट्रम्प राष्ट्राध्यक्ष पदाची निवडणूक लढवू शकणार

विभागीय शालेय किकबॉक्सिंग स्पर्धेत आलोक, दुर्वाला सुवर्ण

भाजपाने चंदीगड उपमहापौरपदाची निवडणूक जिंकली

पोलीस या व्यक्तीचा शोध घेत असून पोलिसांनी त्याच्याविरोधात भारतीय दंडविधानाच्या कलम ५०५ (१) (ब), २५ (१) (ब) तसेच शस्त्रास्त्र कायद्याअंतर्गत गुन्हा दाखल केला आहे.