पाकिस्तान दिनी राष्ट्राध्यक्ष झरदारी यांना नीट भाषणही देता येत नाही, होत आहेत ट्रोल!

आसिफ अली झरदारी यांच्या भाषणावर पाकिस्तानचे भारतातील माजी उच्चायुक्त अब्दुल बासित यांनी प्रतिक्रिया दिली. बासित यांनी भाषणाचा व्हिडिओ शेअर केला आणि म्हटले, आसिफ झरदारी त्यांचे भाषण वाचताना असहाय्य दिसत होते, ते खूप वेदनादायक होते. देशाचा राष्ट्रपती संपूर्ण देशाचे प्रतिनिधित्व करतो. अशा परिस्थितीत, त्यांच्यावर जे विनोद केले जात आहेत, ते एक प्रकारे प्रत्येक पाकिस्तानी व्यक्तीवर विनोद आहे.

अब्दुल बासित पुढे म्हणाले, आसिफ झरदारी यांना प्रत्येक शब्द वाचणे कठीण होत होते, हे स्पष्टपणे दिसून येत होते. त्यांना धड व्यवस्थित उभेही राहता येत नव्हते. अशा परिस्थितीत, एक प्रश्न असा आहे की ते आजारी होते का? जर ते आजारी असतील तर त्यांना भाषण देण्यासाठी का आणले गेले? त्यांच्या टीमने त्यांना आधीच भाषण दिले नव्हते का?, जर त्यांनी ते दोन-तीन वेळा वाचेल असते तर कदाचित त्यांना वाचताना कोणतीही अडचण आली नसती. जे घडले ते घडायला नको होते असे मला वाटते, असे अब्दुल बासित म्हणाले.

हे ही वाचा :