उत्तर प्रदेशचे मुख्यमंत्री योगी आदित्यनाथ यांनी समाजवादी पक्षाचे अध्यक्ष अखिलेश यादव यांच्या ‘गौशाळेतील दुर्गंध विरुद्ध इत्राची सुगंध’ या विधानावर प्रथमच प्रतिक्रिया दिली आहे. योगी यांनी सपा प्रमुखांवर निशाणा साधत म्हटले, “ज्यांना त्यांच्या कृत्यांमधून दुर्गंध जाणवत नाही, त्यांना गाईच्या सेवेतील दुर्गंधच दिसेल. समाजवादी पक्षाच्या लोकांनी गोकशीला पाठिंबा दिला, गो-तस्कर आणि कसायांसोबत संबंध ठेवले, ते गाईची सेवा काय जाणणार? त्यांना गाईच्या शेणात दुर्गंधच दिसते, पण त्यांच्या कृत्यांमध्ये दुर्गंध दिसत नाही.”
काय होते अखिलेश यादवांचे विधान?
गेल्या काही दिवसांपूर्वी सपा अध्यक्ष अखिलेश यादव यांनी म्हटले होते, कन्नौजमध्ये आम्ही बंधुत्वाची सुगंध पसरवली, तर भाजप द्वेषाची दुर्गंध पसरवत आहे. भाजपला दुर्गंध आवडते म्हणून ते गौशाळा तयार करत आहेत. आम्ही सुगंध पसंत करतो, म्हणून इत्र पार्क उभारला होता.
मुख्यमंत्री योगी यांनी मंगळवारी बरेलीत ‘स्कूल चलो अभियान’ सुरू केला. या वेळी त्यांनी विद्यार्थ्यांना पुस्तके आणि शालेय साहित्य वाटले. तसेच ९३२ कोटी रुपयांच्या १३२ योजनांचे लोकार्पण आणि भूमिपूजन केले. योगी म्हणाले, २०१७ मध्ये बेसिक शिक्षण परिषदेकडे पाहिले असता, त्याची अवस्था अत्यंत वाईट होती. अनेक शाळा बंद होण्याच्या मार्गावर होत्या. स्मार्ट क्लास आणि डिजिटल लायब्ररी हे तर दूरचे स्वप्न होते. मात्र, आता परिस्थितीत मोठा बदल झाला आहे.
हेही वाचा..
देशातील नक्षलग्रस्त जिल्ह्यांची संख्या झाली अर्धी
दोन मालगाड्या आदळल्या; दोन्ही गाड्यांचे लोको पायलट गतप्राण!
जाणून घ्या आपल्या घरातील तुळशीचे काय आहेत फायदे
२०१७ मध्ये उत्तर प्रदेशमध्ये १ कोटी ३४ लाख विद्यार्थ्यांनी शाळेत प्रवेश घेतला होता, पण त्यापैकी ६०% विद्यार्थी कधीच शाळेत जात नव्हते. आजच्या घडीला १ कोटी ९१ लाख विद्यार्थ्यांच्या पालकांच्या बँक खात्यात थेट डीबीटीद्वारे १,२०० रुपये पाठवण्यात आले आहेत. शालेय दप्तर, पुस्तके, गणवेश इत्यादी आवश्यक गोष्टी सरकारकडून मोफत दिल्या जात आहेत. विद्यार्थ्यांना स्मार्ट क्लासरूम आणि डिजिटल लायब्ररीसारख्या सुविधा मिळू लागल्या आहेत.
