दिल्लीमध्ये ३६ बांग्लादेशी नागरिक पकडले

दिल्लीमध्ये अवैधरीत्या राहणाऱ्या बांग्लादेशी नागरिकांविरुद्ध पोलिसांनी सुरू केलेल्या मोहिमेत सोमवारी मोठे यश मिळाले. उत्तर-पश्चिम दिल्लीतील वजीरपूर परिसरातून ३६ बांग्लादेशी नागरिकांना अटक करण्यात आली आहे, ज्यांमध्ये १७ लहान मुलांचाही समावेश आहे. हे सर्वजण बिनपरवानगी आणि कोणतेही वैध प्रवासी कागदपत्र किंवा व्हिसा नसताना भारतात राहत होते.

दिल्ली पोलिसांनी या कारवाईसंदर्भात प्रसिद्धीपत्रक जारी केले. पोलिसांच्या मते, छापेमारीदरम्यान ७ स्मार्टफोन जप्त करण्यात आले, ज्यात बंदी घालण्यात आलेले अ‍ॅप्स इन्स्टॉल होते. १३ लोकांकडे बांग्लादेशचे राष्ट्रीय ओळखपत्र सापडले. पोलिसांनी सांगितले की, काही दिवसांच्या मॅन्युअल आणि तांत्रिक देखरेखीच्या आधारे १३ जून रोजी वजीरपूर भागात काही बांग्लादेशी नागरिक अवैधरीत्या राहत असल्याची माहिती मिळाली होती. त्यावरून विशेष मोहिम आखून परिसरात २५ फूटपाथ आणि ३२ गल्लींमध्ये तपासणी करण्यात आली.

हेही वाचा..

सायबर ठगांनी केली ३५ लाखांची फसवणूक

भारताविरुद्ध मार खाल्लेला पाकिस्तान म्हणतो, …तर आम्ही इस्रायलवर अणुहल्ला करू!

अहमदाबाद विमान अपघात : चौकशीत जागतिक तज्ज्ञांची सहभाग

भारतासह २४ देशांची सेना शांती प्रशिक्षणात सहभागी

ऑपरेशनदरम्यान एक संशयित व्यक्ती ताब्यात घेण्यात आली. त्याच्याकडे चौकशी केली असता त्याने आपण बांग्लादेशी असल्याची आणि भारतात बेकायदेशीरपणे राहत असल्याची कबुली दिली. त्याच्या माहितीनुसार इतर सदस्यांचीही ओळख पटवून पोलिसांनी अटक केली. पोलिसांनी सांगितले की, चौकशीत अटक करण्यात आलेल्या बांग्लादेशी नागरिकांनी हरियाणाच्या मेवात भागातील विटा भट्टीवर पूर्वी काम केले असल्याचे सांगितले. हरियाणा पोलिसांकडून पकडले जाण्याच्या भीतीने ते तेथून पळून गेले. तेव्हापासून हे लोक आपले ठिकाण सतत बदलत होते आणि स्थानिकांमध्ये मिसळून राहण्याचा प्रयत्न करत होते. काहींनी भाड्याने घर घेण्याचाही प्रयत्न केला होता. सध्या या सर्व बांग्लादेशी नागरिकांविरोधात कायदेशीर कारवाई सुरू असून, दिल्ली पोलिसांनी पुढील तपासाला सुरुवात केली आहे.