लॉ कॉलेज बलात्कार प्रकरणी फॉरेन्सिक अहवालांतून आरोपींची पुष्टी

कोलकात्याच्या लॉ कॉलेज बलात्कार प्रकरणाशी संबंधित दोन महत्त्वपूर्ण फॉरेन्सिक अहवालांमुळे या प्रकरणातील तीन मुख्य आरोपींची संलिप्तता स्पष्ट झाली आहे. सिटी पोलिसांच्या सूत्रांनी दिलेल्या माहितीनुसार, पहिला फॉरेन्सिक अहवाल तीन मुख्य आरोपींपैकी एक असलेल्या मोनोजीत मिश्राच्या मोबाइल फोनच्या तपासणीनंतर तयार करण्यात आला आहे.

एका पोलिस अधिकाऱ्याने सांगितले, “मिश्राच्या मोबाइल फोनच्या फॉरेन्सिक तपासणीतून केवळ गेल्या महिन्यात लॉ कॉलेजच्या विद्यार्थिनीवर झालेल्या बलात्काराबाबतच नव्हे, तर यापूर्वी त्याच्याकडून करण्यात आलेल्या अशाच प्रकारच्या लैंगिक शोषणाच्या घटनांचेही ठोस पुरावे मिळाले आहेत. तथापि, अधिकाऱ्यांनी यापुढील तपशील देण्यास नकार दिला. दुसरा फॉरेन्सिक अहवाल हा गुन्ह्याच्या ठिकाणावरून, विशेषतः लॉ कॉलेजच्या गार्ड रूममधून जमा करण्यात आलेल्या रक्तनमुना संबंधित आहे.

हेही वाचा..

झारखंडमध्ये चकमकीत तीन उग्रवादी ठार

गुगल मॅपने दिला धोका, महिलेसह चारचाकी थेट खाडीत कोसळली!

मुलीवर अत्याचार, गर्भवती राहिल्याचे कळताच मुलीला जिवंत गाडण्याचा प्रयत्न!

ट्रम्प म्हणाले- हमास स्वतः मरणार आहे!

सिटी पोलिसांच्या अधिकाऱ्याने सांगितले, “या अहवालामध्ये मिश्रा आणि इतर दोन आरोपी – जैब अहमद आणि प्रमित मुखोपाध्याय – यांची गुन्ह्यातील संलिप्तता स्पष्ट करणारे ठोस पुरावे समोर आले आहेत. सोप्या भाषेत सांगायचे झाले तर, या दोन फॉरेन्सिक अहवालांमध्ये मुख्य आरोपीविरोधात कारवाई करण्यासाठी पुरेसे पुरावे आहेत. या प्रकरणात मिश्राची ओळख मुख्य बलात्कार आरोपी म्हणून झाली आहे, तर अहमद आणि मुखोपाध्याय हे या जघन्य कृत्यात सहाय्यक म्हणून समोर आले आहेत.

या प्रकरणाच्या तपास पथकाने आतापर्यंत ६० साक्षीदारांचे जबाब नोंदवले आहेत. त्यांच्या साक्षींसह लॉ कॉलेजच्या परिसरातील सीसीटीव्ही फुटेजच्या तपासणीतूनही आणखी महत्त्वाचे धागेदोरे मिळाले आहेत. या आठवड्यात तपास अधिकाऱ्यांनी तीन्ही आरोपींच्या देहबोलीचे (body language) विश्लेषण केले, जे सीसीटीव्ही फुटेजमध्ये दिसणाऱ्या हालचालींशी सुसंगत आहे की नाही, याचे शास्त्रीय पद्धतीने परीक्षण करण्यात आले. सीसीटीव्ही फुटेजमध्ये आरोपींना पीडितेला ओढत गार्ड रूममध्ये नेताना दिसते, जिथे कथितरित्या तिच्यावर बलात्कार करण्यात आला होता.