देशाची इलेक्ट्रॉनिक्स विक्रीत मोठी झेप

तज्ज्ञांनी मंगळवारी सांगितले की, जीएसटी सुधारणा आता लागू झाल्या असून फेस्टिव्हल सीझनमध्ये विविध ई-कॉमर्स प्लॅटफॉर्मवरील ऑनलाइन सेल्समुळे देशांतर्गत इलेक्ट्रॉनिक्स उद्योगात प्रचंड वाढ नोंदवली जात आहे. उद्योगातील जाणकारांनी एअर कंडिशनर, टेलिव्हिजन आणि डिशवॉशर यांसारख्या वस्तूंवरील जीएसटी दर २८ टक्क्यांवरून कमी होऊन 18 टक्के झाल्याचे स्वागत केले आहे. इंडिया सेल्युलर अँड इलेक्ट्रॉनिक्स असोसिएशन (ICEA) चे चेअरमन पंकज मोहिंद्रू म्हणाले की, “ही उद्योग क्षेत्राची अनेक वर्षांपासूनची मागणी होती. नव्या जीएसटी सुधारणेमुळे उपकरणे स्वस्त होतील, देशांतर्गत मागणी वाढेल, उपभोगाला चालना मिळेल आणि यामुळे भारतातील इलेक्ट्रॉनिक्स उत्पादनक्षेत्र वृद्धिंगत होईल.”

त्यांनी पुढे अपेक्षा व्यक्त केली की, “आम्हाला वाटते जीएसटी सुधारणा पुढे स्मार्टफोन आणि लॅपटॉपसाठीही लागू होतील. त्यावेळी या वस्तूंवरील जीएसटी दर १८ टक्क्यांवरून घटवून ५ टक्क्यांवर आणला जाईल. या पावलामुळे स्मार्टफोन आणि लॅपटॉपची किंमत कमी होईल आणि डिजिटल समावेशनालाही गती मिळेल.” नव्या जीएसटी दरांच्या अंमलबजावणीबरोबरच देशभरातील ग्राहक वस्तूंच्या स्टोअर्समध्ये ग्राहकसंख्येत लक्षणीय वाढ झाली आहे.

हेही वाचा..

बीड, धाराशिव, सोलापूरमध्ये एनडीआरएफने ९४ नागरिकांचे प्राण वाचवले

‘फेअरप्ले’ ऑनलाइन सट्टेबाजी प्रकरणात ३०७.१६ कोटींची मालमत्ता जप्त

“GST-२ धोरण सामान्य ग्राहकांसाठी एक शक्ती”

“दिवसाला १५,००० बुकिंग्स”; जीएसटी सुधारणेनंतर विक्रीत वाढ – मारुती सुझुकी

काउंटरपॉइंट रिसर्चचे रिसर्च डायरेक्टर तरुण पाठक यांनी आयएएनएसला सांगितले, “सेलच्या पहिल्याच दिवशी आम्हाला अप्रतिम प्रतिसाद मिळाला आहे. सर्व चॅनेल्सवर सकारात्मक वातावरण आहे. इलेक्ट्रॉनिक्स खरेदीसाठी विविध श्रेणींमध्ये चौकशी होत आहे. हे काही मोजक्या वस्तूंमध्ये मर्यादित नाही, तर ग्राहकांची ठोस रुची दर्शवते. आम्ही या वर्षी अतिशय चांगल्या उत्सव हंगामाची अपेक्षा करत आहोत.” सरळ जीएसटी स्ट्रक्चर आणि फेस्टिव्हल सीझनमधील आकर्षक प्रमोशन्स व डिस्काउंट्स यांच्या संयोगामुळे स्मार्टफोन विक्रीत झपाट्याने वाढ होऊ शकते.

सीएमआरच्या इंडस्ट्री रिसर्च ग्रुप (IRG)चे व्हाइस प्रेसिडेंट प्रभु राम यांनी आयएएनएसला सांगितले, “कराचे दर कमी झाल्याने उपकरणे स्वस्त होतात, त्यामुळे लोकांना जुनी उपकरणे अपग्रेड करण्याची किंवा बदलण्याची संधी मिळते. अतिरिक्त उपलब्ध उत्पन्नामुळे ग्राहक नवीन खरेदीला प्राधान्य देतील. हे सर्व घटक प्रीमियम तसेच किफायतशीर स्मार्टफोन विक्रीला चालना देतील.”