रशिया, चीनच्या हालचालींनंतर ट्रम्प अलर्ट; अणुचाचण्यांचे दिले आदेश!

अमेरिकेचे राष्ट्राध्यक्ष डोनाल्ड ट्रम्प यांनी गुरुवारी घोषणा केली की, अमेरिका त्यांच्या अण्वस्त्र चाचणी कार्यक्रमाला गती देणार आहे. रशियाने अलिकडेच अण्वस्त्र चालविणाऱ्या पाण्याखालील ड्रोन आणि अण्वस्त्रवाहू क्रूझ क्षेपणास्त्राच्या यशस्वी चाचण्यांचा दावा केल्यानंतर लगेचच ट्रम्प यांनी हा निर्णय घेतला आहे.

“इतर राष्ट्रांच्या चाचणी कार्यक्रमांच्या पार्श्वभूमीवर, मी युद्ध विभागाला आमच्या अण्वस्त्रांची चाचणी त्याच पातळीवर सुरू करण्याचे निर्देश दिले आहेत. ही प्रक्रिया ताबडतोब सुरू होईल,” असे ट्रम्प यांनी त्यांच्या सोशल मीडिया प्लॅटफॉर्म, टुथ सोशलवर लिहिले आहे.

ट्रम्प यांना भीती आहे की रशिया आणि चीन लवकरच अमेरिकेला अण्वस्त्रांच्या संख्येत गाठतील. ट्रम्प यांनी त्यांच्या विधानात पुढे म्हटले आहे की, “अमेरिकेकडे इतर कोणत्याही देशांपेक्षा जास्त अण्वस्त्रे आहेत. हे सर्व माझ्या पहिल्या कार्यकाळात शक्य झाले, ज्यामध्ये विद्यमान शस्त्रांचे संपूर्ण अपग्रेडेशन समाविष्ट आहे. रशिया दुसऱ्या स्थानावर आहे आणि चीन तिसऱ्या स्थानावर आहे, परंतु पुढील पाच वर्षांत आपण बरोबरीचे होऊ. इतर देशांच्या चाचणी कार्यक्रमांमुळे, मी युद्ध विभागाला आमच्या अण्वस्त्रांची अशीच चाचणी सुरू करण्याचे निर्देश दिले आहेत. ही प्रक्रिया लगेच सुरू होईल. या प्रकरणाकडे लक्ष दिल्याबद्दल धन्यवाद!”

हे ही वाचा : 

खंडणीखोर ‘गिन्नी’ला अटक, पोलिसांनी काढली धिंड!

टॅरिफ वॉर दरम्यान ट्रम्प- जिनपिंग भेट; काय झाली चर्चा?

महाराष्ट्र बनणार ‘रिइमॅजिनिंग मॅन्युफॅक्चरिंग’चा नवा चेहरा!

सागरी मंथनामुळे लाभणार विकास ‘अमृत’

चीनचे राष्ट्राध्यक्ष शी जिनपिंग यांच्याशी भेट घेण्याच्या काही तास आधी ट्रम्प यांनी ही घोषणा केली. अलिकडच्या आठवड्यात, रशियाने त्यांच्या अण्वस्त्रांच्या चाचण्या वाढवल्या आहेत. यामध्ये क्षेपणास्त्र संरक्षण प्रणाली निष्क्रिय करण्यास सक्षम प्रगत शस्त्रे समाविष्ट आहेत. रशियाचे अध्यक्ष व्लादिमीर पुतिन यांनी दावा केला की या चाचण्या रशियाच्या सुरक्षेसाठी आवश्यक आहेत.