लाल किल्ला कार बॉम्बस्फोट प्रकरणातील चौकशी मोठ्या पातळीवर वाढवत, राष्ट्रीय तपास यंत्रणेने (NIA) एका काश्मिरी व्यक्तीला अटक केली आहे. या व्यक्तीने आत्मघाती हल्लेखोर डॉ. उमर उन नबी याला मदत करून हल्ला घडवून आणण्यात महत्त्वाची भूमिका बजावली होती. या हल्ल्यात १३ जणांचा मृत्यू झाला, तर ३२ जण जखमी झाले होते.
१० नोव्हेंबरच्या स्फोटात वापरलेली कार अमीरच्या नावावर असल्याचे तपासात स्पष्ट झाल्यानंतर एनआयएने त्याला दिल्लीतून अटक केली. एनआयए च्या मते, तो उमरला कार मिळवून देण्यासाठी राजधानीत आला होता. नंतर ही कार वाहन-आधारित स्फोटक यंत्र म्हणून वापरली गेली.
एजन्सीने सांगितले की अमीरने उमरसोबत सक्रियपणे कट रचला होता. उमर हा फरीदाबाद येथील अल-फलाह विद्यापीठात जनरल मेडिसिनचा असिस्टंट प्रोफेसर होता, आणि त्यानेच लाल किल्ल्याजवळ स्फोट घडवून आणला.
हे ही वाचा:
जेव्हा ‘शेवटची इच्छा’ ठरते कुटुंबाचे भविष्य…
जनतेच्या विश्वासावर वडील खरे उतरतील
फक्त मसाला नाही, गुणांचा खजिना आहे बडीशेप
भारतीय संघाला १२४ धावाही झाल्या जड, दक्षिण आफ्रिकेविरुद्ध घरच्या मैदानात झाली हार
फॉरेन्सिक तपासात स्फोटस्थळी सापडलेले अर्धवट जळालेले शरीर उमर उन नबीचेच असल्याचे पुष्टी झाले आहे. म्हणजेच तोच आत्मघाती हल्लेखोर होता, ज्याने स्फोटकांनी भरलेली कार चालवली होती.
तपास पथकाने उमरची आणखी एक कार जप्त केली आहे, आणि तिचीही फॉरेन्सिक तपासणी सुरू आहे.
आतापर्यंत NIA ने ७३ साक्षीदारांचे जबाब नोंदवले आहेत, ज्यात स्फोटात जखमी झालेल्यांचाही समावेश आहे. कटकारस्थानातील प्रत्येक दुवा शोधण्यासाठी हे पाऊल उचलले आहे.
NIA दिल्ली पोलिस, जम्मू–कश्मीर पोलिस, हरियाणा पोलिस, उत्तर प्रदेश पोलिस आणि इतर केंद्रीय युनिट्ससोबत समन्वय साधत अनेक राज्यांमध्ये तपास चालवत आहे. एजन्सीचा विश्वास आहे की कट फक्त या दोघांपुरता मर्यादित नाही, आणि चौकशी पुढे जात असताना आणखी अटक होण्याची शक्यता आहे.
NIA च्या म्हणण्यानुसार, आता प्राथमिकता हल्ल्यामागील मोठे नेटवर्क उघड करणे ही आहे. ज्यात नियोजन, लॉजिस्टिक्स आणि आर्थिक सहाय्य करणाऱ्यांचाही समावेश आहे. जेणेकरून लाल किल्ला स्फोटासाठी जबाबदार असलेल्या प्रत्येक व्यक्तीची ओळख पटवून त्यांना न्यायालयासमोर उभे करता येईल.
