31 C
Mumbai
Saturday, November 21, 2026
घरस्पोर्ट्सशुम्बा बाहेर, झिम्बाब्वेची ताकद कमी!

शुम्बा बाहेर, झिम्बाब्वेची ताकद कमी!

भारताविरुद्धच्या मालिकेपूर्वी धक्का

Google News Follow

भारताविरुद्ध गुरुवारपासून सुरू होणाऱ्या तीन सामन्यांच्या टी-२० मालिकेपूर्वी झिम्बाब्वे संघाला मोठा धक्का बसला आहे. संघाचा फलंदाज मिल्टन शुम्बा हॅमस्ट्रिंगच्या दुखापतीमुळे संपूर्ण मालिकेतून बाहेर पडला आहे. त्याच्या जागी अनुभवी फलंदाज इनोसेंट काइया याची संघात निवड करण्यात आली आहे.

मंगळवारी शुम्बाच्या दुखापतीचे स्कॅन करण्यात आले. त्यानंतर दुखापत गंभीर असल्याचे स्पष्ट झाले आणि त्याला मालिकेतून माघार घ्यावी लागली. नुकत्याच झालेल्या बांग्लादेशविरुद्धच्या टी-२० मालिकेतील तिन्ही सामने त्याने खेळले होते. २०२२ नंतर त्याने राष्ट्रीय संघात पुनरागमन केले होते.

शुम्बाच्या जागी संधी मिळालेल्या इनोसेंट काइयाने आपला अखेरचा टी-२० आंतरराष्ट्रीय सामना जुलै २०२४ मध्ये भारताविरुद्ध हरारे येथे खेळला होता. आतापर्यंत त्याने झिम्बाब्वेकडून १९ टी-२० सामने खेळताना १०४ च्या स्ट्राइक रेटने २९० धावा केल्या असून त्याच्या नावावर एक अर्धशतक आहे. तो मालिकेपूर्वीच संघात दाखल झाला आहे.

भारत-झिम्बाब्वे यांच्यातील तीन सामन्यांची टी-२० मालिका २४ जुलैपासून सुरू होत असून दुसरा सामना २५ आणि तिसरा सामना २६ जुलै रोजी खेळवला जाणार आहे.

दरम्यान, झिम्बाब्वेने नुकत्याच झालेल्या बांग्लादेश दौऱ्यात दमदार कामगिरी केली होती. कसोटी सामना डाव आणि ८५ धावांनी जिंकण्यासोबतच वनडे मालिका २-१ अशी खिशात घातली. मात्र, टी-२० मालिकेत त्यांना १-२ असा पराभव स्वीकारावा लागला.

दुसरीकडे, भारतीय संघ अलीकडच्या काळात अपेक्षित कामगिरी करू शकलेला नाही. श्रेयस अय्यरच्या नेतृत्वाखाली भारताला आयर्लंडविरुद्ध टी-२० मालिका ०-२ ने गमवावी लागली, तर इंग्लंडविरुद्धच्या पाच सामन्यांच्या मालिकेत ०-४ असा पराभव स्वीकारावा लागला. त्यामुळे झिम्बाब्वेविरुद्धच्या मालिकेत विजय मिळवून पुनरागमन करण्याचे आव्हान टीम इंडियासमोर असणार आहे.

National Stock Exchange
spot_img

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा

The reCAPTCHA verification period has expired. Please reload the page.

आम्हाला follow करा

113,459चाहतेआवड दर्शवा
2,036अनुयायीअनुकरण करा
342,000सदस्य यादीसदस्य व्हा

इतर नवीनतम कथा