मध्य जपानमध्ये ५.७ तीव्रतेचा भूकंप; २२ जण जखमी

जपानला पुन्हा एकदा भूकंपाचा धक्का बसला आहे. शनिवारी मध्यरात्री जपानमध्ये ५.७ तीव्रतेचा शक्तिशाली भूकंप झाला. जपानी माध्यमांच्या वृत्तानुसार २२ जण जखमी झाले आहेत.

जपान हवामान संस्थेनुसार, स्थानिक वेळेनुसार मध्यरात्री १:०४ वाजता भूकंप झाला. भूकंपाचा केंद्रबिंदू पश्चिम शिझुओका प्रांतात जमिनीखाली सुमारे ४० किलोमीटरवर होता. जपानच्या भूकंप तीव्रता मापन प्रणालीनुसार, ऐची प्रांतातील चिता येथे भूकंपाची तीव्रता ५ पेक्षा जास्त नोंदवली गेली, तर ऐची, नागानो आणि गिफू प्रांतांच्या काही भागांमध्ये ५ पेक्षा कमी तीव्रतेचे धक्के जाणवले. यावरून असे दिसून येते की, मध्य जपानच्या मोठ्या भागात भूकंपाचे धक्के जाणवले.

हे ही वाचा:

…ही नक्षलवादावरील संपूर्ण विजयानंतरची पहिली दिवाळी

नवी मुंबई ते सिंधुदुर्ग विमानसेवा १६ नोव्हेंबरपासून सुरू

चीनचा धोका म्हणूनच सियांग धरणाचे धोरण

कॅन्सरवरील औषधांच्या किमतीत ९६ टक्क्यांपर्यंत कपात

मुख्य भूकंपानंतर, अनेक लहान धक्केही जाणवले. परिस्थितीचे मूल्यांकन करण्यासाठी आणि मदतकार्यात समन्वय साधण्यासाठी जपान सरकारने बाधित भागांमध्ये आपत्कालीन संपर्क कार्यालय स्थापन केले आहे. दरम्यान, जपानच्या हवामान संस्थेने स्पष्ट केले आहे की या भूकंपामुळे त्सुनामीचा कोणताही धोका नाही. अधिकारी परिस्थितीवर बारकाईने लक्ष ठेवून असून जखमींवर उपचार करत आहेत.