33 C
Mumbai
Wednesday, November 18, 2026
घरस्पोर्ट्समाटुंग्यात आजपासून जिल्हा अजिंक्यपद खो-खोचा थरार!

माटुंग्यात आजपासून जिल्हा अजिंक्यपद खो-खोचा थरार!

२४ नामांकित संघांत विजेतेपदासाठी चुरस

Google News Follow

वेगवान हालचाली, चपळाई, अचूक डावपेच आणि विजयासाठीची जिद्द अशा खो-खोच्या थरारक खेळाचा रंग आता माटुंग्यात चढणार आहे! मुंबईतील नामांकित पुरुष आणि महिला संघांमध्ये जिल्हा अजिंक्यपदासाठी जोरदार संघर्ष होणार असून, त्याचबरोबर आगामी राज्य अजिंक्यपद स्पर्धेसाठी मुंबईचे प्रतिनिधित्व करण्याची संधीही खेळाडूंना मिळणार आहे. मुंबई खो-खो संघटनेच्या मान्यतेने व प्रज्ञा वर्धिनी फाउंडेशन आयोजित पुरुष-महिला मुंबई जिल्हा अजिंक्यपद व निवड चाचणी खो-खो स्पर्धा २०२६-२७ ही १९ ते २२ नोव्हेंबर या कालावधीत माटुंगा येथील ॐ समर्थ भारत व्यायाम मंदिराच्या मैदानावर आयोजित करण्यात आली आहे. या स्पर्धेत मुंबईतील जवळपास २४ नामांकित संघ सहभागी होत असल्याने मैदानावर चुरशीचे सामने पाहायला मिळणार आहेत.

प्रज्ञा वर्धिनी फाउंडेशनचे आयोजन

या स्पर्धेचे आयोजन प्रज्ञा वर्धिनी फाउंडेशन यांच्या वतीने करण्यात आले आहे. स्पर्धेतील कामगिरीच्या आधारे मुंबईचे पुरुष आणि महिला संघ निवडले जाणार आहेत. निवड झालेले संघ २८ नोव्हेंबरपासून अहिल्यानगर येथे सुरू होणाऱ्या राज्य अजिंक्यपद स्पर्धेत मुंबईचे प्रतिनिधित्व करतील. त्यामुळे जिल्हा विजेतेपदाबरोबरच मुंबईच्या संघात स्थान मिळवण्यासाठीही खेळाडूंमध्ये चुरस निर्माण होणार आहे.

हे ही वाचा:

जेन्सेन हुआंगच्या एनव्हिडियात परतण्याच्या अपेक्षांवर पाणी

ट्रम्प यांच्या हत्येचा कट रचणाऱ्या पाकिस्तानी नागरिकाला २७ वर्षांची शिक्षा

पळून गेलेला जखमी दहशतवादी लतीफ भट अखेर ठार

आझम खान यांना हायकोर्टाकडून मोठा दिलासा

स्पर्धेचे उद्घाटन उद्योजक रोहित राऊळ यांच्या हस्ते होणार आहे. हा उद्घाटन सोहळा १९ नोव्हेंबर रोजी सायंकाळी ५ वाजता, ॐ समर्थ भारत व्यायाम मंदिराचे मैदान, माटुंगा (पश्चिम) येथे पार पडेल. यावेळी ॐ समर्थ भारत व्यायाम मंदिराचे विश्वस्त उमेश नरवणे (सी.ए.), मुंबई खो-खो संघटनेचे विविध पदाधिकारी उपस्थित राहणार आहेत.

मुंबईतील नवोदित आणि अनुभवी खेळाडूंना आपले कौशल्य, चपळाई आणि खेळातील गुणवत्ता सिद्ध करण्यासाठी ही स्पर्धा महत्त्वाचे व्यासपीठ ठरणार आहे. जिल्हा संघात स्थान मिळवण्याच्या उद्देशाने प्रत्येक सामना निर्णायक ठरण्याची शक्यता आहे. प्रज्ञा वर्धिनी फाउंडेशनच्या विश्वस्त अॅड. रुपाली ठाकूर आणि वैशाली भिडे-बर्वे यांनी ही माहिती देताना मुंबईतील युवा खेळाडूंना आपली गुणवत्ता दाखवण्याची ही उत्तम संधी असल्याचे सांगितले.

पुरुष गट : पुरुष गटात श्री समर्थ व्यायाम मंदिर, विद्यार्थी क्रीडा केंद्र, सरस्वती स्पोर्ट्स क्लब, ओम समर्थ भारत व्यायाम मंदिर, वैभव स्पोर्ट्स क्लब, अमर हिंद मंडळ, ओम साईश्वर सेवा मंडळ, युवक क्रीडा मंडळ, विजय क्लब आणि संघशक्ती इ. संघ सहभागी होणार आहेत.

महिला गट : महिला गटात सरस्वती कन्या संघ, ओम साईश्वर सेवा मंडळ, शिवनेरी सेवा मंडळ, अमर हिंद मंडळ, श्री समर्थ व्यायाम मंदिर, वैभव स्पोर्ट्स क्लब, आर्य सेना, ओम समर्थ भारत व्यायाम मंदिर आणि संघशक्ती इ. संघ मैदानात उतरणार आहेत.

National Stock Exchange
spot_img

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा

The reCAPTCHA verification period has expired. Please reload the page.

आम्हाला follow करा

113,459चाहतेआवड दर्शवा
2,036अनुयायीअनुकरण करा
342,000सदस्य यादीसदस्य व्हा

इतर नवीनतम कथा