पंजाबच्या मुख्यमंत्रीपदाचा राजीनामा दिल्यानंतर आज संध्याकाळी पहिल्यांदाच कॅप्टन अमरिंदर सिंग दिल्लीत दाखल होणार आहेत. दिल्लीत येऊन अमरिंदर सिंग केंद्रीय गृहमंत्री अमित शहा आणि भाजपाचे राष्ट्रीय अध्यक्ष जेपी नड्डा यांची भेट घेण्याची शक्यता आहे.
सिंग-शहा-नड्डा यांच्या भेटीमुळे कॅप्टन अमरिंदर सिंग भाजपामध्ये येण्याच्या जोरदार चर्चा सुरु आहेत. कॅप्टन अमरिंदर सिंग यांना केंद्रीय कृषी मंत्री म्हणून पंतप्रधान नरेंद्र मोदी यांच्या मंत्रिमंडळात समाविष्ट केले जाऊ शकते अशी चर्चा आहे.
हे देखील समोर आले आहे की भाजपाचे केंद्रीय नेतृत्व कॅप्टन अमरिंदर सिंग यांना भाजपामध्ये सामील करण्यास नकार दिला तरी सिंग यांना नवीन राजकीय भूमिकेत शिरण्यासाठी मदत करू शकते. अशाप्रकारे, सिंग हे भाजपाच्या नेतृत्वाखालील एनडीए आघाडीचा भाग होण्यासाठी राजी होतील. तथापि, या प्रकरणाची कोणत्याही प्रकारे अधिकृत पुष्टी करण्यात आलेली नाही आणि या क्षणी या केवळ चर्चाच आहेत.
हे ही वाचा:
योगी सरकारचा मंत्रिमंडळ विस्तार! सात नव्या चेहऱ्यांना संधी
आज जागतिक नदी दिवस; पण मुंबईतील नद्या मरणपंथाला!
‘लिफ्ट करा दे’ च्या नादात अखिलेश यांची पोलखोल
भाजपा आणि एनडीएचे अनेक वरिष्ठ नेते- अनिल विज आणि आरपीआयचे रामदास आठवले यांनी सिंह यांना भाजपा किंवा एनडीए आघाडीचा भाग होण्याचे आमंत्रण दिले होते. “केवळ अमरिंदर सिंगच नाही, तर पंजाबमधील सर्व राष्ट्रवादी शक्तींनी” काँग्रेसच्या गेम प्लॅनला पराभूत करण्यासाठी “एकत्र यायला पाहिजे” असे हरियाणा मंत्री विज म्हणाले होते.
त्यांच्या आणि पंजाब प्रदेश काँग्रेस कमिटीचे (पीपीसीसी) प्रमुख नवज्योतसिंग सिद्धू यांच्यात अनेक महिन्यांच्या भांडणानंतर कॅप्टन अमरिंदर सिंग यांनी पंजाबच्या मुख्यमंत्रीपदाचा राजीनामा दिला होता.
