मिर्झापूरच्या ललितचा मृतदेह आढळला

मिर्झापूर या वेबसिरीजमध्ये मुन्ना भैय्याचा मित्र ललितची भूमिका साकारणाऱ्या ब्रह्मा मिश्रा यांचे निधन झाले आहे. समोर आलेल्या बातमीनुसार, २९ नोव्हेंबर रोजी अभिनेत्याने छातीत दुखत असल्याची तक्रार केली आणि डॉक्टरांना भेट दिली होती. डॉक्टरांनी गॅसचे औषध दिल्यानंतर त्यांना घरी पाठवण्यात आले. मात्र, नंतर तो त्याच्या घरी मृतावस्थेत आढळून आला. ब्रह्मा गेल्या चार वर्षांपासून भाड्याच्या घरात एकटाच राहत होता.

ब्रह्मा मिश्रा हे मुंबईतील एनलक्स नगर सोसायटीत राहत होते, त्यांचा मृतदेह बाथरूममध्ये आढळून आला. दुर्गंधी येत असल्याची तक्रार शेजाऱ्यांनी पोलिसांना माहिती दिली. त्यानंतर पोलीस घटनास्थळी पोहोचले असता ते आतून बंद असल्याचे आढळून आले. त्यामुळे डुप्लिकेट चावी बनवण्यासाठी कुलूप लावणाऱ्याला बोलावण्यात आले. फ्लॅटमध्ये प्रवेश केल्यानंतर बाथरूममधून दुर्गंधी येत असल्याचे पोलिसांच्या लक्षात आले. त्यांनी बाथरूमचे दार उघडले असता ब्रह्माचा मृतदेह अर्ध कुजलेल्या अवस्थेत आढळून आला.

हे ही वाचा:

ओमिक्रॉनचा भारतात प्रवेश; कर्नाटकमध्ये आढळले ओमिक्रॉनचे दोन रुग्ण

भारतीय ऍप ‘कू’ने मिळवला ‘हा’ सन्मान

भाजपाने सुरू केली मथुरेची तयारी?

उत्तर कोल्हापूरचे काँग्रेस आमदार चंद्रकांत जाधव यांचे निधन

ब्रह्मा मिश्राचा भाऊ संदीप याच्या सांगण्यावरून पोलिसांनी आकस्मिक मृत्यूची नोंद केली आहे. या प्रकरणाचा पुढील तपास सुरू आहे. या अभिनेत्याचा मृत्यू हृदयविकाराच्या झटक्याने झाल्याचा संशय व्यक्त केला जात आहे. मात्र, त्याचा मृत्यू कशामुळे झाला हे समजलेले नाही. मिर्झापूरमध्ये मुन्ना भैय्याची भूमिका करणारा अभिनेता दिव्येंदूने इंस्टाग्रामवर त्यांच्या निधनावर शोक व्यक्त केला.