पाकिस्तानसाठी अडचणी काही केल्या कमी होण्याचे नाव घेत नाहीत. संयुक्त अरब अमिरातीने (यूएई) पाकिस्तानला दिलेल्या २ अब्ज डॉलर्सच्या कर्जाची रक्कम आता सध्याच्या ६.५ टक्के व्याजदरासह पुढील एका महिन्यात परतफेड करण्यास सांगितले आहे. द एक्सप्रेस ट्रिब्यूनच्या वृत्तानुसार, संघीय सरकार आणि केंद्रीय बँकेतील वरिष्ठ अधिकाऱ्यांच्या हवाल्याने ही माहिती देण्यात आली आहे. यूएईने प्रत्येकी १ अब्ज डॉलर्सची दोन कर्जे दिली होती, जी १६ आणि २२ जानेवारी रोजी परिपक्व (मॅच्युअर) झाली आहेत.
कर्जाबाबत यूएईची कडक भूमिका
अधिकाऱ्यांनी सांगितले की, कर्जाची मुदत आणि व्याजदरावर पुढील चर्चा करण्यासाठी फक्त एका महिन्याची मुदतवाढ देण्यात आली आहे. पाकिस्तानची इच्छा आहे की यूएईकडील कर्जाला दोन वर्षांचा रोलओव्हर मिळावा आणि त्यावर सुमारे ३ टक्के व्याजदर लागू व्हावा.
मात्र, यूएईने कठोर भूमिका घेत केवळ ३० दिवसांचीच मुदत दिली आहे. अधिकाऱ्यांच्या म्हणण्यानुसार, कर्जाची मुदत वाढवण्यासाठी पुन्हा एकदा विनंती करण्यात येणार आहे, कारण एवढ्या मोठ्या रकमेची तात्काळ परतफेड केल्यास आर्थिक तूट (फायनान्सिंग गॅप) निर्माण होईल, जी इतर स्रोतांमधून भरून काढावी लागेल.
हे ही वाचा:
पादचाऱ्यांवर मूत्राने भरलेली बाटली फेकणाऱ्याच्या मुसक्या आवळल्या
रोहित शेट्टी घरावर गोळीबार प्रकरण: शस्त्र पुरवणाऱ्याला केली अटक
लिफ्टमध्ये हायड्रोजन गॅस भरलेल्या फुग्यांचा स्फोट
भारताला कोणत्याही देशाकडून तेल खरेदी करण्याची मुभा!
यूएईने कठोर भूमिका का घेतली?
असे मानले जात आहे की येमेनमधील विभाजनवादी गटांना पाठिंबा देण्याच्या मुद्द्यावर सऊदी अरेबिया आणि यूएई यांच्यातील वादात पाकिस्तानने सऊदी अरेबियाची बाजू घेतली, त्यामुळेच यूएईने पाकिस्तानविरोधात कठोर भूमिका स्वीकारल्याचा निर्णय घेतला आहे. पाकिस्तानसाठी इतक्या कमी कालावधीत एवढी मोठी रक्कम एकरकमी परतफेड करणे मोठे आव्हान ठरणार आहे.
आता पाहावे लागेल की कर्जफेडीची मुदत वाढवण्याच्या पाकिस्तानच्या विनंतीवर यूएईकशी प्रतिक्रिया देते. दरम्यान, आंतरराष्ट्रीय नाणेनिधी (आयएमएफ) सोबतच्या पाकिस्तानच्या ७ अब्ज डॉलर्सच्या कार्यक्रमाअंतर्गत, यूएई, सऊदी अरेबिया आणि चीन यांनी पुढील वर्षी सप्टेंबरमध्ये हा कार्यक्रम संपेपर्यंत स्टेट बँक ऑफ पाकिस्तानमध्ये एकूण १२.५ अब्ज डॉलर्स जमा ठेवण्याचे आश्वासन दिले आहे.
