युनिफाइड पेमेंट इंटरफेसने (UPI) व्यवहार करणाऱ्यांसाठी महत्त्वाची माहिती समोर आली आहे. जी-पे, पेटीएम, फोन पे यासारख्या ऍप्सद्वारे पैशांचा व्यवहार करणाऱ्यांसाठी ही माहिती आहे. आरबीआयने एक मोठी घोषणा केली आहे. आरबीआय गव्हर्नर शक्तीकांत दास यांनी युपीआयद्वारे होणाऱ्या व्यवहार मर्यादा वाढवण्याचा निर्णय घेतला आहे.
आरबीआय गव्हर्नर शक्तीकांत दास यांनी धोरणानंतर सांगितले की, युपीआयद्वारे पेमेंटची मर्यादा १ लाख रुपयांवरून ५ लाख रुपये करण्यात आली आहे. पण हे व्यवहार फक्त शैक्षणिक संस्था आणि हॉस्पिटलमध्ये करता येणार आहेत.
दरम्यान, युनिफाइड पेमेंट इंटरफेसच्या व्यवहारांनी नोव्हेंबर महिन्यामध्ये नवा उच्चांक गाठला होता. १७.४० लाख कोटी रुपयांचे व्यवहार नोव्हेंबर महिन्यात करण्यात आले होते. ऑक्टोबर महिन्यात हा आकडा १७.१६ लाख कोटी इतका होता. नोव्हेंबर महिन्यात सणासुदीच्या हंगामामुळे युपीआयमधून होत असलेल्या व्यवहारांमध्ये वाढ झाल्याचे सांगण्यात आले.
हे ही वाचा:
डेन्मार्कने कुराण बाबत उचलले महत्वाचे पाऊल!
झारखंड काँग्रेस खासदाराच्या घरात सापडले १०० कोटी रोख!
काश्मीरमध्ये परतली चित्रपटसंस्कृती
फिलिपिन्स, नायजेरिया, अर्जेंटिनाला हवीत भारतीय बनावटीची ‘तेजस’ विमाने
आजकाल लोक रोख व्यवहारांऐवजी डिजिटल पेमेंट करण्याला अधिक प्राधान्य देताना दिसतात. शिवाय नोव्हेंबर महिन्यात दिवाळीचा सण असल्याने हे व्यवहार आणखी वाढले. NPCI च्या आकडेवारीनुसार, ऑक्टोबरमध्ये ४९.३ कोटी व्यवहारांद्वारे ५.३८ लाख कोटी रुपयांचे व्यवहार झाले. आर्थिक वर्ष २०२७ पर्यंत युपीआय व्यवहारांची संख्या दररोज १०० कोटींचा आकडा पार करेल तसेच पाच वर्षांत दुकानातील ९० टक्के व्यवहार हे युपीआयद्वारे होतील, अशी अपेक्षा आहे.
