दिल्ली बॉम्बस्फोट प्रकरण: ह्युंडाई आय२० सोबत आणखी एक लाल रंगांची गाडी होती?

दिल्लीच्या लाल किल्ल्याजवळ झालेल्या स्फोटाचा तपास पुढे सरकत असताना या प्रकरणात नवे खुलासे होत आहेत. माहितीनुसार, स्फोटात वापरल्या गेलेल्या ह्युंडाई आय २० शी संबंधित इतर संशयितांकडे आणखी एक लाल रंगाची कार असल्याचे तपासात उघड झाले आहे. पोलिसांनी ही संशयास्पद लाल फोर्ड इकोस्पोर्ट कार शोधण्यासाठी दिल्लीतील सर्व पोलिस ठाणे, चौक्या आणि सीमा चौक्यांवर अलर्ट जारी केला आहे.

पीटीआयच्या वृत्तानुसार, लाल फोर्ड इकोस्पोर्ट कार शोधण्यासाठी दिल्ली पोलिसांची किमान पाच पथके तैनात करण्यात आली आहेत. शेजारील राज्यांमधील पोलिसांनाही सतर्क राहण्यास सांगण्यात आले आहे. विशेषतः उत्तर प्रदेश आणि हरियाणामधील पोलिसांना अधिक दक्षता घेण्याचा सल्ला देण्यात आला आहे. शेजारील राज्यांमधील पोलिसांना सखोल शोध आणि पाळत ठेवण्यास सांगण्यात आले आहे.

दिल्लीच्या सर्व सीमेवरील चौक्यांना सतर्क करण्यात आले आहे. काही सीसीटीव्ही फुटेजमध्ये कारची उपस्थिती दिसून आली. पोलिस तपासात असे दिसून आले की बॉम्बस्फोटात वापरल्या गेलेल्या ह्युंडाई आय २० शी संबंधित इतर संशयितांकडे आणखी एक लाल रंगाची कार होती. दिल्ली पोलिसांनी शेजारच्या राज्यांमधील पोलिसांना सतर्क केले आहे आणि शोधात मदत मागितली आहे.

लाल रंगाच्या फोर्ड इकोस्पोर्टचा नोंदणी क्रमांक DL10CK0458 आहे आणि तो उमर उन नबी, ज्याला डॉक्टर उमर मोहम्मद म्हणूनही ओळखले जाते, त्याच्या नावावर नोंदणीकृत आहे. त्याचे नाव गाडीचे दुसरे मालक म्हणून नोंदवले गेले होते. २२ नोव्हेंबर २०१७ रोजी दिल्लीतील राजौरी गार्डन आरटीओमध्ये ही कार नोंदणीकृत होती. तपासात असे दिसून आले आहे की, उमरने गाडी खरेदी करण्यासाठी ईशान्य दिल्लीतील बनावट पत्ता वापरला होता, त्यामुळे पोलिसांनी रात्री उशिरा त्या ठिकाणी छापा टाकला, अशी माहिती आहे. मात्र, गाडीचा सध्याचा ठावठिकाणा अजूनही अज्ञात आहे.

हे ही वाचा:

डॉक्टरांच्या अटकेनंतर अल- फलाह विद्यापीठाने सोडले मौन; काय दिले स्पष्टीकरण?

दिल्ली कार स्फोट चौकशीसाठी एनआयएकडून विशेष पथकाची स्थापना

लाल किल्ला बॉम्बस्फोट प्रकरणाचे तुर्की कनेक्शन?

पुण्यातील अल-कायदा प्रकरण: मुंब्र्यातील शिक्षक इब्राहिम अबिदीच्या घरी छापेमारी

संशयित बॉम्बस्फोटक डॉ. उमर हा मुंबई एक्सप्रेसवे आणि कुंडली-मानेसर-पलवल (केएमपी) एक्सप्रेसवेवर एका ह्युंडाई आय २० मध्ये दिसला. सीसीटीव्ही फुटेजमध्ये तो दिल्लीच्या दिशेने जातानाही दिसून आला. ह्युंडाई आय २० सोबत बॉम्बस्फोटात इतर वाहनांचाही सहभाग असण्याची शक्यता तपास यंत्रणा तपासत आहेत.