दक्षिण गाझाच्या खान युनिस येथील नासेर रुग्णालयात इस्रायलने केलेल्या हवाई हल्ल्यात चार पत्रकारांसह किमान १५ जण ठार झाले, असे आरोग्य मंत्रालयाने एका निवेदनात म्हटले आहे. इस्रायलने दोनदा हल्ला केला, ज्यामध्ये प्रथम एक क्षेपणास्त्र मारण्यात आले आणि त्यानंतर काही क्षणांनी बचाव पथके पोहोचताच दुसरा हल्ला करण्यात आला.
एपी कडून मिळालेल्या वृत्तानुसार, खान युनिसमधील नासेर रुग्णालयात झालेल्या हल्ल्यानंतर नागरी संरक्षण प्रवक्ते महमूद बसल यांनी सांगितले की, “मृत्यूंची संख्या १५ आहे, ज्यात चार पत्रकार आणि एक नागरी संरक्षण सदस्य आहे.” अहवालात असेही म्हटले आहे की, एपीशी संबंधित एका स्वतंत्र पत्रकाराचाही या हल्ल्यात मृत्यू झाला.
हुस्साम अल‑मसरी (रॉयटर्सचे कॅमेऱामन), मेरियम अबू डग्गा (Associated Press आणि इतर माध्यमांसाठी फ्रीलान्सर), मोहमद सलमा (अल‑जझीराचा पत्रकार), मोआज अबू टाहा (NBC नेटवर्कचा पत्रकार) अशी मृत्यू झालेल्या पत्रकारांची नावे आहेत. तर हतेम खालिद (रॉयटर्सचा फोटोग्राफर) या हल्ल्यात जखमी झाला आहे.
गेल्या आठवड्यात, इस्रायलच्या लष्कराने गाझा शहरात सुरू असलेल्या संघर्षाच्या पार्श्वभूमीवर कारवाईसाठी पावले उचलली आहेत. शहराचा ताबा घेण्यासाठी हजारो राखीव सैनिकांना तैनात करण्यात आले आहे. पंतप्रधान बेंजामिन नेतान्याहू यांनी हमासचे गड उद्ध्वस्त करण्याचे प्रयत्न वेगवान केले आहेत.
हे ही वाचा :
“उपराष्ट्रपतींच्या राजीनाम्याच्या चर्चा निराधार”
“बिहारात INDI आघाडीची दिशा भरकटली, लोकांचा विश्वास उडाला”
शुभांशु शुक्ला यांनी विद्यार्थ्यांसोबत शेअर केले अंतराळ प्रवासातील अनुभव
अबब…एक कोटींच्या बनावट चलनी नोटा सापडल्या
आंतरराष्ट्रीय स्तरावर पुनर्विचार करण्याच्या आवाहनांना न जुमानता इस्रायली सरकार आपल्या लष्करी उद्दिष्टांसह पुढे जात आहे. आंतरराष्ट्रीय संस्थांनी इस्रायलला त्यांच्या लष्करी कारवाया थांबवण्याचे आवाहन केले आहे आणि पुढील वाढ रोखण्यासाठी युद्धबंदीचा युक्तिवाद केला आहे. तथापि, अतिउजव्या आघाडीच्या सदस्यांच्या अंतर्गत दबावामुळे नेतन्याहू यांनी मोहीम सुरू ठेवली आहे आणि प्रादेशिक जोडणीचा विचार केला आहे. दरम्यान, या संघर्षात ऑक्टोबर ७, २०२३ पासून, गाझामध्ये २४० पेक्षा अधिक पत्रकारांचा मृत्यू झाला असल्याची माहिती संघटनेने दिली आहे.
