मुख्तार अन्सारी यांचा मुलगा उमर अन्सारी याला रविवारी (३ ऑगस्ट) त्याच्या वडिलांच्या जप्त केलेल्या मालमत्ता परत मिळवण्यासाठी न्यायालयात बनावट कागदपत्रे सादर केल्याच्या आरोपाखाली अटक करण्यात आली. गाझीपूरच्या पोलिस अधीक्षकांनी जारी केलेल्या निवेदनानुसार, उत्तर प्रदेश गुंड कायद्याच्या तरतुदींनुसार मालमत्ता जप्त करण्यात आल्या आहेत. या वर्षी मार्चमध्ये उत्तर प्रदेशातील बांदा येथील रुग्णालयात हृदयविकाराच्या झटक्याने मृत्युमुखी पडलेल्या मुख्तार अन्सारीची मालमत्ता सोडवण्यासाठी याचिका न्यायालयात दाखल करण्यात आली होती.
उमर अन्सारीचा बेकायदेशीर नफा मिळवण्याचा हेतू होता आणि त्याने त्याची आई अफशान अन्सारी यांच्या बनावट स्वाक्षऱ्या असलेले बनावट कागदपत्रे न्यायालयात सादर केले आहे, असा आरोप पोलिस अधीक्षकांनी जारी केलेल्या निवेदनातून करण्यात आला आहे.
हे ही वाचा :
दिल्ली पोलिसांनी ‘बंगाली’ला बांगलादेशी भाषा म्हटल्याचा तृणमूलचा दावा, भाजपचे प्रत्युत्तर!
ट्रम्प मोदींच्या विरोधात तोच जुना खेळ खेळणार काय?
शेवटच्या सोमवारी बाबा विश्वनाथांचा भव्य रुद्राक्ष शृंगार
उमर अन्सारीची आई अफशान अन्सारी सध्या फरार आहे आणि तिच्यावर ५०,००० रुपयांचे बक्षीस आहे. “फसवणुकीची माहिती मिळताच, उमर अन्सारीविरुद्ध मोहम्मदाबाद पोलिस ठाण्यात गुन्हा दाखल करण्यात आला आणि भारतीय न्याय संहिताच्या (बीएनएस) विविध कलमांखाली आरोप दाखल करण्यात आले,” असे निवेदनात म्हटले आहे. उमर अन्सारीला अटक करण्यात आली आहे आणि पुढील चौकशी सुरू आहे, असे निवेदनात म्हटले आहे.
