पश्चिम आशियातील संघर्षाचा परिणाम हिमालयीन देश भूतानवरही झाला आहे. सरकारच्या मते, परिस्थिती आता “नियंत्रणाबाहेर जात आहे”, आणि त्यामुळेच इंधनाच्या किंमती वाढवाव्या लागत आहेत. दरम्यान, पीओएल आणि एलपीजीच्या पुरवठ्यासाठी शेजारी देश भारताचे आभार सरकारने मानले आहेत.
पंतप्रधान दाशो शेरिंग तोबगे यांच्या कार्यालयाकडून १ एप्रिल रोजी जारी करण्यात आलेल्या निवेदनात जनतेला वाढलेल्या किंमतींचे कारण स्पष्ट करण्यात आले. या निवेदनातून कार्बन-निगेटिव्ह भूटानने नागरिकांना अनावश्यक लांब पल्ल्याच्या प्रवासापासून टाळावे, अशी विनंती केली आहे. सरकारी अनुदान असूनही २८ फेब्रुवारीपासून सुरू झालेल्या मध्यपूर्व संघर्षानंतर पेट्रोलच्या किंमतींमध्ये ६० टक्क्यांहून अधिक वाढ झाली आहे. फेब्रुवारीत सुमारे ६५ न्गुलट्रम (एनयू) (०.७० अमेरिकी डॉलर) असलेली किंमत १ एप्रिलपर्यंत नवीन अनुदानित दरानुसार ९५ न्गुलट्रमपर्यंत पोहोचली आहे.
नवीन सरकारी आदेशानुसार, १ एप्रिल २०२६ च्या मध्यरात्रीपासून थिंपूमध्ये पेट्रोलची किरकोळ किंमत ११४.३१ एनयू प्रति लिटर आणि डिझेलची १७४.१३ एनयू प्रति लिटर झाली आहे. मात्र, अनुदानासह पेट्रोलची किंमत ९८.०० एनयू प्रति लिटर आणि डिझेलची ९८.३१ एनयू प्रति लिटर अशी निश्चित करण्यात आली आहे. पंतप्रधान कार्यालयाने निवेदनात म्हटले आहे, “अलिकडच्या आठवड्यांत जगभरात इंधनाच्या किंमतींमध्ये मोठी वाढ झाली असून ती आमच्या नियंत्रणाबाहेर आहे.”
भारत आणि चीन या मोठ्या देशांच्या दरम्यान असलेल्या भूतानने २१ मार्च रोजी “घरांवर आणि अर्थव्यवस्थेवर होणारा परिणाम कमी करण्यासाठी” इंधन अनुदान योजना सुरू केली होती. सरकारने स्पष्ट केले की, “२१ मार्च २०२६ रोजी नॅशनल फ्यूल प्राइस स्मूथनिंग फ्रेमवर्क (NFPSF) अंतर्गत ही योजना लागू करण्यात आली.” इंधन दरवाढीच्या पार्श्वभूमीवर सरकारने जनतेकडे सहकार्याची विनंती केली आहे. सरकारने पुढे म्हटले, “देशाच्या तिजोरीवर वाढत असलेल्या भारामुळे सर्व सार्वजनिक सेवा संस्थांना इंधन वापर कमी करण्याचे निर्देश देण्यात आले आहेत—जसे की पायी कामावर जाणे, अनावश्यक प्रवास टाळणे आणि ‘वर्क फ्रॉम होम’ला प्राधान्य देणे.”
हे ही वाचा:
बंगाल कोळसा तस्करी प्रकरणी आय-पॅकच्या तीन कार्यालयांवर छापे
हनुमान जन्मोत्सवानिमित्त ‘रामायण’चा टीझर रिलीज
“प. बंगालच्या मालदामधील घटना म्हणजे न्यायालयाच्या अधिकाराला दिलेले आव्हान”
“ऑपरेशन सिंदूरवेळी, भारत समुद्रातून पाकिस्तानवर हल्ला करण्याच्या काही मिनिटांवर होता”
यासोबतच, सरकारने भारताचे आभार मानत म्हटले, “जागतिक पुरवठा साखळीत अडथळे असतानाही पीओएल आणि एलपीजीचा अखंड पुरवठा सुनिश्चित केल्याबद्दल भूतान सरकार भारत सरकारचे मनापासून आभार मानते.” सुमारे ८ लाख लोकसंख्या असलेला भूतान देश आपले इंधन भारतामार्फत आयात करतो.
