मजुरी करा, गहू घ्या- तालिबानची ऑफर

अफगाणिस्तानात अन्नान्न दशा

अफगाणिस्तानवर सत्ता काबीज केल्यानंतर आत तालिबानसमोर गहन संकट उभं राहिलं आहे. सर्व गोष्टींचं सोंग घेता येऊ शकतं पण पैशाचं सोंग घेता येत नाही. याचा प्रत्ययच आता तालिबानला येत आहे.

अन्नाचा तुटवडा आणि उपासमारीने अफगाणिस्तानला भेडसावलं आहे. यासाठी आता तालिबानने मजुरीच्या बदल्यात मजुरांना गहू देण्याचा प्रस्ताव ठेवला आहे. तालिबानचे प्रवक्ते जबीहुल्ला मुजाहिद यांनी पत्रकार परिषदेत सांगितले की, हा कार्यक्रम अफगाणिस्तानातील प्रमुख शहरांमध्ये आणि राज्यांमध्ये राबवला जाईल, ज्याचा उद्देश फक्त काबूलमध्ये ४० हजार पुरुषांना रोजगार देण्याचा असेल. अहवालात असे सूचित केले आहे की ज्या बेरोजगार मजुरांना उपासमारीचा सर्वाधिक धोका आहे त्यांना पैशाऐवजी गहू दिला जाईल.

बेरोजगारीशी लढण्यासाठी हे एक महत्त्वाचे पाऊल आहे, डॉन या वृत्तपत्राने जबिहुल्ला मुजाहिदचा हवाला देत सांगितले की, मजुरांनी ‘कष्ट’ केले पाहिजेत.

यूएनच्या एका नवीन अहवालात असे दिसून आले आहे की अफगाणिस्तानमधील सुमारे २ कोटी लोकांनी कापणीनंतरच्या हंगामाच्या दोन महिन्यांत उच्च पातळीवरील अन्न असुरक्षिततेचा अनुभव घेतला. गेल्या वर्षीच्या याच कालावधीच्या तुलनेत सुमारे ३०% वाढ ही यावर्षी पाहायला मिळाली. नोव्हेंबर २०२१ ते मार्च २०२२ पर्यंत अफगाणिस्तानच्या निम्म्याहून अधिक लोकसंख्येला तीव्र अन्न असुरक्षिततेचा सामना करावा लागेल असा अंदाजही या अहवालात वर्तवण्यात आला आहे.

सार्वजनिक सेवा कोलमडणे, गंभीर आर्थिक संकट आणि अन्नधान्याच्या वाढत्या किमती हे अन्न असुरक्षिततेचे प्रमुख कारण होते.

हे ही वाचा:

आयपीएलमध्ये असणार ‘हे’ २ नवे संघ

सुदानमध्ये लष्करी उठाव?

हा ढोंगीपणा का? सगळं ज्ञान दिवाळीलाच का आठवतं

पूर्वीची सरकारे केवळ आपल्या कुटुंबाच्या तिजोऱ्या भरत होती

अहवालाचा संदर्भ देताना, डब्ल्यूएफपीचे कार्यकारी संचालक डेव्हिड बीसली यांनी अधोरेखित केले की अफगाणिस्तान आता जगातील सर्वात गंभीर मानवतावादी संकटांपैकी एक आहे. अन्न सुरक्षा पूर्णपणे कोलमडली आहे. त्यांनी चेतावनी दिली की संयुक्त राष्ट्रसंघाच्या एजन्सींनी जीवनावश्यक सहाय्य केले नाही आणि अर्थव्यवस्थेचे पुनरुज्जीवन केले नाही तर लाखो अफगाणांना स्थलांतर आणि उपासमार यापैकी एक निवडण्यास भाग पाडले जाईल.