इराणने शुक्रवारी अझरबैजानच्या सीमेजवळ लष्करी सराव सुरू केला आहे. तेहरानचा (इराणची राजधानी) कट्टर शत्रू असलेल्या इस्रायलशी बाकूच्या (अझरबैजानची राजधानी) संबंधांसह दोन शेजाऱ्यांमध्ये तणाव वाढला आहे.
इराणच्या सरकारी माध्यमांनी सांगितले की या व्यायामांमध्ये आर्मर्ड युनिट आणि आर्टिलरी युनिट तसेच ड्रोन आणि हेलिकॉप्टरचा समावेश होता. त्यांनी अझरबैजानसह पोल्डाश्ट आणि जोल्फा सीमा क्रॉसिंगजवळ सरावाला सुरवात केली.
अझरबैजानच्या इस्रायलशी असलेल्या लष्करी संबंधांवर इराणने दीर्घकाळापासून टीका केली आहे, ज्यात इस्रायली शस्त्रास्त्रांची खरेदी समाविष्ट आहे. तेहरान तुर्कीमधील राष्ट्रवाद्यांबद्दल आणि अझरबैजानमधील अझेरी अल्पसंख्यांकांमधील फुटीरतावादी प्रवृत्तींबद्दलही चिंतातूर आहे.
अझरबैजानचे राष्ट्राध्यक्ष इल्हम अलीयेव यांनी नियोजित कवायतीबद्दल आश्चर्य व्यक्त केल्यावर इराणचे परराष्ट्र मंत्री होसेन अमीरबद्दोलियान यांनी गुरुवारी सांगितले की, एखाद्या देशाने त्याच्या प्रदेशामध्ये लष्करी सराव करणे हे त्याच्या राष्ट्रीय सार्वभौमत्वाचा भाग आहे.
इराणच्या सीमेवर इस्त्रायलच्या उपस्थितीचा संदर्भ देत, अमीरबद्दोलियान यांनी नवीन अझेरी राजदूताला सांगितले की, “इराण झायोनिस्ट राजवटीच्या राष्ट्रीय सुरक्षेविरोधातील कारवाया सहन करणार नाही. त्यांच्याविरोधात आवश्यक ती कारवाईही करेल.” असे इराणच्या माध्यमांनी म्हटले आहे.
स्टॉकहोम इंटरनॅशनल पीस रिसर्च इन्स्टिट्यूट थिंक टँकच्या मते, इस्रायलने २००६ ते २०१९ दरम्यान अझरबैजानला ८२५ दशलक्ष डॉलर्सची शस्त्रास्त्रे दिली.
हे ही वाचा:
अंधेरीत भाजयुमो कार्यकर्त्यांवर लाठीहल्ला
एलएसीचं रक्षण करायला ‘वज्र’ तैनात
मी स्वतः भारतीय लस घेतली आहे, यूएनजीए अध्यक्षांनी जगाला सांगितले
पंजाबमध्ये कॅप्टन स्वतःची वेगळी ‘इनिंग’ सुरु करणार
इराणने शुक्रवारी इस्रायलच्या परराष्ट्रमंत्र्यांच्या बहारीनशी संबंध प्रस्थापित करण्यासाठीच्या भेटीचा निषेध केला आणि असे म्हटले की, या भेटीने आखाती अरब राज्यांच्या राज्यकर्त्यांवर डाग सोडला आहे जो पुसला जाणार नाही.
