29 C
Mumbai
Sunday, June 23, 2024
घरधर्म संस्कृतीमशिदीत ११ वेळा 'श्री राम जय राम, जय जय राम' जप करा!

मशिदीत ११ वेळा ‘श्री राम जय राम, जय जय राम’ जप करा!

राष्ट्रीय स्वयंसेवक संघ नेत्याचे मुस्लिमांना आवाहन

Google News Follow

Related

२२ जानेवारी रोजी उत्तर प्रदेशातील अयोध्या येथील राम मंदिरात होणाऱ्या प्राणप्रतिष्ठा सोहळ्यानिमित्त मशिदी, दर्गा आणि मदरशांमध्ये ‘श्री राम, जय राम, जय जय राम’ असा जप करा, असे आवाहन राष्ट्रीय स्वयंसेवक संघाचे राष्ट्रीय कार्यकारिणीचे सदस्य इंद्रेश कुमार यांनी रविवारी केले आहे.

‘भारतातील ९९ टक्के मुस्लिम समाज आणि अन्य गैर हिंदूंचे भारताशी नाते आहे. हे नाते यापुढील काळातही असेच दृढ राहील. कारण आपले पूर्वज एकच होते. त्यांनी आपला धर्म बदलला. आपला देश नाही,’ असे इंद्रेश कुमार यांनी एका कार्यक्रमात सांगितले. इस्लाम, ख्रिश्चन, शीख अशा कुठल्याही धर्माचे पालन करणाऱ्या लोकांनी शांती, सद्भावना आणि बंधुत्वासाठी आपल्या आपल्या धार्मिक स्थळावर प्रार्थना करून अयोध्येच्या प्राणप्रतिष्ठा सोहळ्याशी स्वतःला जोडण्याचे आवाहन इंद्रेश कुमार यांनी केले. ‘राम मंदिर, राष्ट्र मंदिर : ए कॉमन हेरिटेज’ पुस्तकाच्या प्रकाशनसोहळ्याप्रसंगी ते बोलत होते.

राष्ट्रीय स्वयंसेवक संघाशी संबंधित मुस्लिम राष्ट्रीय मंचाचे (एमआरएम) मुख्य संरक्षक कुमार यांनी सांगितले की, आपले पूर्वज एकच होते. आपली ओळख दाखवणाऱ्या आकांक्षाही समान आहेत. आपल्या सर्वांचे या राष्ट्राशी नाते आहे. आमच्या परदेशी व्यक्तींशी काही देणेघेणे नाही.

हे ही वाचा:

नव्या वर्षात भारतीय क्रिकेट संघ राहणार ‘बिझी’

निमंत्रण फक्त रामभक्तांना, मुख्य मंदिर पुजाऱ्यांकडून उद्धव आणि राऊतांची खरडपट्टी!

भारतासोबतचे संबंध बिघडत असताना, मालदीवचे राष्ट्रपती चीनला भेट देण्याची शक्यता!

बिहारमध्ये एका रात्रीत तलाव चोरीला

‘एमआरएमने आवाहन केले आहे आणि मी देखील आज पुन्हा आवाहन करतो की, दर्गा, मकबरा, मदरसे आणि मशिदींमध्ये ११ वेळा ‘श्री राम जय राम जय जय राम’चा जयघोष करा. त्यानंतर तुमच्या तुमच्या उपासनापद्धतींचा अवलंब करा,’ असे आवाहन कुमार यांनी केले.

spot_img

लेखकाकडून अधिक

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा

The reCAPTCHA verification period has expired. Please reload the page.

आम्हाला follow करा

49,899चाहतेआवड दर्शवा
2,036अनुयायीअनुकरण करा
162,000सदस्य यादीसदस्य व्हा

इतर नवीनतम कथा