उन्हाळ्याची सुरुवात होताच टॅनिंगची समस्या अनेकांना त्रास देऊ लागते. कडक उन्हात चेहरा, मान, हात आणि पाय यांवर सर्वाधिक परिणाम दिसून येतो. त्वचेचा रंग केवळ गडद होत नाही, तर उष्णता आणि घामामुळे चेहऱ्यावर पुरळ किंवा दाणेही येऊ लागतात. अशा वेळी आयुर्वेदात एका अशा नैसर्गिक उटण्याचा उल्लेख आहे, जे उन्हाळ्यात टॅनिंग कमी करण्यास मदत करते आणि त्वचेवर नैसर्गिक तेजही आणते.
टॅनिंग का होते?
टॅनिंग ही उन्हाळ्यातील एक सामान्य समस्या आहे, ज्यामुळे त्वचेचा रंग गडद होतो. सूर्याच्या किरणांपासून स्वतःचे संरक्षण करण्यासाठी त्वचा मेलानिन नावाचे पिगमेंट तयार करते. त्यामुळे हळूहळू त्वचेचा रंग असमान दिसू लागतो. योग्य काळजी घेतल्यास टॅनिंग कमी करता येऊ शकते. टॅनिंग दूर करण्यासाठी केवळ तात्पुरता उजाळा पुरेसा नसतो. त्वचेला संतुलित पोषण आणि योग्य काळजी आवश्यक असते. आयुर्वेदात त्वचा निरोगी ठेवण्यासाठी अनेक प्रभावी उपाय सांगितले आहेत, त्यापैकी एक म्हणजे नैसर्गिक उटणे.
नैसर्गिक उटणे कसे तयार कराल?
हे उटणे घरी तयार करणे खूप सोपे आहे. यासाठी पुढील साहित्य वापरता येईल:
- संत्र्याच्या सालीची पावडर
- थोडे केशर
- मुलेठी (यष्टिमधू) पावडर
- चंदन पावडर
- अॅलोवेरा जेल
हे सर्व एकत्र करून पेस्ट तयार करा. पेस्ट खूप घट्ट वाटत असल्यास त्यात गुलाबजल किंवा कच्चे दूध घालू शकता. ही पेस्ट आठवड्यातून दोनदा टॅनिंग झालेल्या भागावर लावा.
हे नैसर्गिक उटणे त्वचेवरील मृत पेशी दूर करून त्वचा स्वच्छ करण्यास मदत करते. तसेच त्वचेचा रंग समान ठेवण्यास आणि त्वचेला खोलवर पोषण देण्यास मदत करते.
