लखनौ सुपर जायंट्स (एलएसजी) ने रविवारी सनरायझर्स हैदराबाद (एसआरएच) विरुद्ध ५ विकेट्सनी विजय मिळवला. यासह एलएसजीने नव्या हंगामातील पहिला विजय नोंदवला. २ पैकी १ विजयासह संघ गुणतालिकेत सातव्या स्थानावर आहे, तर ३ पैकी २ सामने गमावल्यानंतर एसआरएच पाचव्या स्थानावर आहे.
राजीव गांधी आंतरराष्ट्रीय स्टेडियम येथे नाणेफेक गमावून फलंदाजीस उतरलेल्या हैदराबादने ९ विकेट्स गमावत १५६ धावा केल्या. संघाची सुरुवात खराब झाली आणि ७.१ षटकांत २६ धावांवर ४ विकेट्स पडल्या.
यानंतर नितीश कुमार रेड्डी आणि हेनरिक क्लासेन यांनी पाचव्या विकेटसाठी ६३ चेंडूत ११६ धावांची भागीदारी केली. नितीशने ३३ चेंडूत ५ षटकार आणि ३ चौकारांसह ५६ धावा केल्या, तर क्लासेनने ४१ चेंडूत २ षटकार आणि ५ चौकारांसह ६२ धावा केल्या. याशिवाय लियाम लिव्हिंगस्टोनने १४ धावा केल्या. हैदराबादकडून मोहम्मद शमी, प्रिन्स यादव आणि आवेश खान यांनी प्रत्येकी २ विकेट्स घेतल्या, तर दिग्वेश राठी आणि मणिमारन सिद्धार्थ यांनी प्रत्येकी १ विकेट घेतली.
हे ही वाचा:
हिंदू नाव धारण करून विधवेला छळणाऱ्या समीर खानच्या मुसक्या आवळल्या!
बिश्केकमध्ये आशियाई कुस्तीत अमन, सुजीतकडून अपेक्षा
अमेरिकन विमानातील दुसऱ्या पायलटलाही वाचवले
उत्तर भारतातील नवं कनेक्टिव्हिटी हब: नोएडा आंतरराष्ट्रीय विमानतळ
१५७ धावांच्या लक्ष्याचा पाठलाग करताना लखनौ सुपर जायंट्सने १९.५ षटकांत विजय मिळवला. सलामीवीर मिचेल मार्श आणि एडन मार्करम यांनी २८ चेंडूत ३७ धावांची भागीदारी केली. मार्श १४ धावांवर बाद झाला. यानंतर मार्करम आणि कर्णधार ऋषभ पंत यांनी दुसऱ्या विकेटसाठी ४० धावा जोडल्या. मार्करमने २७ चेंडूत ४५ धावा केल्या. त्यानंतर आयुष बडोनी १२ धावांवर बाद झाला.
ऋषभ पंतने अब्दुल समद सोबत पाचव्या विकेटसाठी ३४ धावांची भागीदारी करत संघाला विजयाच्या जवळ नेले. समद १६ धावांवर बाद झाल्यानंतर पंतने जबाबदारी घेत ५० चेंडूत ९ चौकारांसह नाबाद ६८ धावा करत संघाला विजय मिळवून दिला. एसआरएचकडून हर्ष दुबे यांनी २ विकेट्स घेतल्या, तर ईशान मलिंगा आणि शिवांग कुमार यांनी प्रत्येकी १ विकेट घेतली.
