अरिजीत सिंहचा पार्श्वगायनाला रामराम, श्रेया घोषाल यांचा पाठिंबा

बॉलिवूड आणि भारतीय संगीतसृष्टीतील सर्वात लोकप्रिय पार्श्वगायक अरिजीत सिंह यांनी प्लेबॅक गायनातून विश्रांती घेण्याचा निर्णय घेतल्याची बातमी समोर आली असून, त्यामुळे चाहत्यांमध्ये भावनिक प्रतिक्रिया उमटत आहेत. आपल्या अनोख्या आवाजामुळे आणि भावपूर्ण गायनशैलीमुळे अरिजीत सिंह यांनी गेल्या एक दशकाहून अधिक काळात प्रेक्षकांच्या मनावर अधिराज्य गाजवले आहे. ‘तुम ही हो’, ‘चन्ना मेरेया’, ‘केसरिया’, ‘अगर तुम साथ हो’ यांसारखी असंख्य गाणी आजही श्रोत्यांच्या ओठांवर आहेत.
हे ही वाचा:
शेअर बाजारात जोरदार तेजी

“माझा देव चोरला…” सूरज चव्हाण भावुक

अरिजीत सिंह यांनी स्पष्ट केले आहे की हा निर्णय म्हणजे संगीतापासून पूर्णपणे दूर जाणे नसून, प्लेबॅक गायनातून थोडी विश्रांती घेऊन नव्या गोष्टी सुरु करण्याचा त्याचा विचार आहे. सततच्या कामाच्या ताणातून बाहेर येऊन, स्वतःच्या कलात्मक प्रवासाकडे नव्या दृष्टीने पाहायचे असल्याचे त्यांनी सांगितले आहे. यापुढे चित्रपटांसाठी गाणी गाण्याऐवजी स्वतंत्र संगीत, प्रयोगशील प्रोजेक्ट्स आणि इतर उपक्रमांवर लक्ष केंद्रित करण्याचा त्याचा मानस आहे.

या निर्णयानंतर चाहत्यांनी सोशल मीडियावर आपल्या भावना व्यक्त केल्या. अनेकांनी अरिजीतच्या गाण्यांनी आयुष्यातील महत्त्वाचे क्षण अधिक खास केल्याचे सांगितले, तर काहींनी त्यांच्या अनुपस्थितीमुळे बॉलिवूड संगीतामध्ये निर्माण होणारी पोकळी अधोरेखित केली. मात्र बहुतांश चाहत्यांनी त्यांच्या निर्णयाचा आदर करत, पुढील प्रवासासाठी शुभेच्छा दिल्या आहेत.

दरम्यान, सुप्रसिद्ध गायिका श्रेयाघोषाल यांनी अरिजीत सिंह यांच्या निर्णयाला पाठिंबा दिला आहे. त्यांनी हा शेवट नसून नव्या सुरुवातीची नांदी असल्याचे म्हटले आहे. अरिजीतसारख्या प्रतिभावान कलाकाराने स्वतःसाठी वेळ घेणे आणि नवे प्रयोग करणे हे प्रेरणादायी असल्याचे त्यांनी नमूद केले.

एकूणच, अरिजीत सिंह यांची प्लेबॅक गायनातून घेतलेली विश्रांती ही संगीतप्रेमींसाठी भावनिक असली तरी, त्यांच्या नव्या सर्जनशील वाटचालीकडे सर्वांचे लक्ष लागले आहे. त्यांच्या आवाजाने जशी लाखो मनं जिंकली, तशीच पुढील टप्प्यातील त्यांची कामगिरीही तितकीच खास ठरेल, अशी अपेक्षा चाहत्यांकडून व्यक्त केली जात आहे.