कॅप्टन गिल मैदानात कधी उतरणार?

ईडन गार्डन्सवर सुरू असलेल्या भारत–दक्षिण आफ्रिका पहिल्या टेस्टदरम्यान भारतीय कर्णधार शुभमन गिलला मानेला तीव्र वेदना आणि ताण जाणवल्याने त्यांना मधेच फलंदाजी सोडावी लागली. सध्या गिल बीसीसीआयच्या वैद्यकीय टीमच्या देखरेखीखाली असून, पुढील तपासणीनंतरच त्यांच्या खेळण्याबाबत निर्णय घेतला जाणार आहे.

पहिल्या डावात चौथ्या क्रमांकावर उतरलेल्या शुभमन गिलने तिसऱ्या चेंडूवर चौकार ठोकला; पण त्याचवेळी मानेला तीव्र वेदना जाणवू लागल्याने त्यांनी ‘रिटायर्ड हर्ट’ घेत मैदान सोडले. दुसऱ्या दिवसाचा खेळ सुरू होण्यापूर्वीपासूनच गिलला मानेला त्रास होता, अशी माहिती मिळते.

भारताचा १८९ धावांवर नववा विकेट पडूनही शुभमन गिल परत फलंदाजीला उतरले नाहीत.

बीसीसीआयने शनिवारी दिलेल्या निवेदनात म्हटले आहे, “शुभमन गिलच्या मानेला ताण (neck sprain) आहे. बीसीसीआयची मेडिकल टीम त्यांच्यावर लक्ष ठेवून आहे. शनिवारी ते खेळू शकतील की नाही, याचा निर्णय त्यांच्या प्रकृतीनुसार घेतला जाईल.”

यापूर्वी ऑक्टोबर २०२४ मध्येही बेंगळुरूमध्ये न्यूझीलंडविरुद्धच्या टेस्टपूर्वी गिलला याच प्रकारचा मानेला ताण जाणवला होता, ज्यामुळे त्यांना सामना गमवावा लागला होता.

सामन्यातील स्थिती
टॉस जिंकून फलंदाजीला उतरलेल्या दक्षिण आफ्रिकेने पहिल्या डावात केवळ १५९ धावा केल्या. एडेन मार्करमने ३१ धावा, तर भारताकडून जसप्रीत बुमराहने झळकदार ५ विकेट्स घेतल्या.

भारताने उत्तरादाखल पहिल्या डावात १८९ धावा केल्या आणि ३० धावांची आघाडी मिळवली. केएल राहुलने ३९, तर वॉशिंग्टन सुंदरने २९ धावा योगदान दिले. आफ्रिकेच्या सायमन हार्मरने ४ विकेट्स, तर मार्को जेनसनने ३ विकेट्स घेतल्या.