पोप फ्रान्सिसचे माजी सल्लागार कार्डीनल अन्जेलो बेक्यू यांना आर्थिक फसवणूक केल्याप्रकरणी १६ डिसेंबर रोजी व्हॅटिकन फौजदारी न्यायालयाने साडेपाच वर्षांच्या तुरुंगवासाची शिक्षा ठोठावली आहे. बेक्यू यांना याशिवाय ८ हजार युरो दंडही ठोठावला आहे. अशा पद्धतीचा आरोप असलेले ते व्हॅटिकनचे सर्वोच्च अधिकारी आहेत. सुमारे अडीच वर्ष हा खटला सुरु होता. बेक्यू हे एकेकाळी पोपचे स्पर्धक मानले जात होते.
हेही वाचा..
मोदींनी सूरतला नवा पैलू पाडला; विश्वविक्रमी डायमंड बोर्सचे उद्घाटन!
युद्धसमाप्तीनंतर गाझामध्ये ‘नागरी सरकार’ची स्थापना
लंडनमध्ये भारतीय विद्यार्थी बेपत्ता, भाजप नेत्याने एस जयशंकर यांची मागितली मदत!
नागपूर; सोलार एक्सप्लोजिव्ह कंपनीत स्फोट, ९ जणांचा मृत्यू!
व्हॅटिकन न्यायालयाचे अध्यक्ष ज्युसेप्पे पिग्नाटोन यांनी हा निर्णय दिला आहे. बेक्यू यांच्यावर घोटाळा, पदाचा गैरवापर आणि साक्षीदारांशी छेडछाड केल्याचा आरोप लावला आहे. दरम्यान कार्डीनल बेक्यू यांनी या सर्व आरोपांचे खंडन केले आहे. या शिक्षेविरोधात आपण अपील करणार असल्याचे बेक्यू यांच्या वकिलांनी स्पष्ट केले आहे. तर आम्ही बरोबर होतो हेच यातून स्पष्ट झाले असे मत या प्रकरणातील फिर्यादी अलेसेंड्रो दिड्डी यांनी सांगितले आहे.
जुन्या हॅरॉड्सच्या वेअरहाऊसचे डिलक्स निवासस्थानांमध्ये रूपांतर करण्यासाठी व्हॅटिकन सचिवालयाने ३५० दशलक्ष युरोची गुंतवणूक केली होती. यामध्ये व्हॅटिकन सिटीच्या सरकारची फी आणि कमिशनमध्ये लाखो युरोची फसवणूक केल्याचा त्यांच्यावर आरोप आहे. लंडन व्यवहारातून झालेल्या गैरव्यवहाराच्या दोन आरोपांमध्ये दोषी ठरल्यानंतर कार्डिनलला सात वर्षांपर्यंत तुरुंगवास भोगावा लागला. सरतेशेवटी लंडनच्या इमारतीत ४५ टक्के भागभांडवल मिळवणाऱ्या फंडात २०१४ मध्ये व्हॅटिकनच्या सुरुवातीच्या २०० दशलक्ष युरो गुंतवणुकीतून चोरी केल्याबद्दल त्याला दोषी ठरवण्यात आले. ट्रिब्युनलला असे आढळून आले की चर्चच्या मालमत्तेचा वापर करून असा सट्टा व्यवहार करणे कॅनन कायद्यानुसार निषिद्ध आहे. कार्डिनल बेक्यू हे पोपचे चीफ ऑफ स्टाफ होते.
