भारत सरकारच्या ‘जागो ग्राहक जागो’ उपक्रमांतर्गत भारतीय ग्राहकांना डिजिटल साक्षरतेद्वारे सक्षम करण्यासाठी केंद्र सरकारने मेटासोबत भागीदारी केली आहे. संयुक्त मोहिम ‘बी अॅन एम्पावर्ड कन्झ्युमर’ चा उद्देश भारतीय ग्राहकांना ऑनलाइन धोके ओळखणे आणि सुरक्षित ऑनलाइन सवयी आत्मसात करणे शिकवणे आहे. या मोहिमेअंतर्गत ग्राहकांना मजबूत पासवर्ड वापरणे, ऑनलाइन माहिती सत्यापित करणे आणि संशयास्पद हालचालींची तक्रार नोंदवणे शिकवले जाईल.
केंद्रीय ग्राहक व्यवहार मंत्री प्रह्लाद जोशी यांनी सांगितले की, भारतीय नागरिकांना डिजिटल ज्ञान आणि साधने उपलब्ध करून देण्यासाठी मेटासोबत भागीदारी करताना आनंद होत आहे. या उपक्रमामुळे नागरिकांना डिजिटल दुनियेत सुरक्षित व जबाबदारीने वावरण्यास मदत होईल. “सतत सुरक्षित डिजिटल अनुभवासाठी ग्राहक जागरूकता महत्त्वाची आहे. हा उपक्रम ग्राहक संरक्षण उपायांना मजबूत करेल आणि भारतीय ग्राहकांना सक्षम करण्याच्या आमच्या बांधिलकीला बळकट करेल,” असे त्यांनी नमूद केले.
हेही वाचा..
रोहिंग्या-बांगलादेशी घुसखोरांना २५००० रुपयांना दिल्लीत पाठवत असत, १५ जणांना अटक!
विज्ञान, तंत्रज्ञानाने अंतराळातील अनेक अडचणींवर मात केली
वांद्रेमधील गोडाऊनमधून २८६ किलो गांजा जप्त; इम्रान अन्सारीला अटक
श्रीकृष्ण जन्मभूमी-ईदगाह प्रकरणी आज सुनावणी
केंद्रीय मंत्र्यांनी आयआयटी बॉम्बेसोबत संयुक्तरित्या सुरू असलेल्या प्रकल्पाबाबतही माहिती दिली. या सहयोगांतर्गत मेटाच्या एलएलएएमए-२ (LLaMA-2) या मोठ्या भाषा मॉडेलच्या मदतीने एआय-आधारित ग्राहक-केंद्रित चॅटबॉट विकसित केला जात आहे. हा चॅटबॉट ग्राहकांना त्यांच्या हक्कांविषयी माहिती देईल, तसेच तक्रार नोंदणी आणि सोडवणुकीसाठी मदत करेल. सध्या चॅटबॉट क्लोज्ड बीटा टेस्टिंगमध्ये असून, पूर्ण चाचणीनंतर तो अधिकृतपणे ग्राहक व्यवहार विभागाच्या वेबसाइटवर उपलब्ध करून दिला जाईल.
मेटाचे ग्लोबल अफेयर्स ऑफिसर जोएल कपलान यांनी सांगितले की, “आम्हाला ग्राहक व्यवहार विभागासोबत काम करून भारतातील डिजिटल ग्राहक संरक्षणात योगदान देण्याचा आनंद आहे.” ते पुढे म्हणाले, “आमचा विश्वास आहे की आर्टिफिशियल इंटेलिजन्स लोकांना सुरक्षित राहण्यास आणि योग्य माहिती मिळवण्यासाठी मदत करू शकतो. यामुळे ग्राहक जागरूकता वाढेल आणि तक्रारी सोडवण्याच्या प्रक्रियेत सुधारणा होईल.”
