संघ पदाधिकाऱ्याचा वेश घेवून वावरायचा छंगूर बाबा!

उत्तर प्रदेशात उघडकीस आलेल्या धर्मांतर रॅकेटचा कथित सूत्रधार छंगूर बाबा उर्फ जमालुद्दीन याबद्दल एकामागून एक धक्कादायक खुलासे होत आहेत. तपास यंत्रणांच्या म्हणण्यानुसार, छंगूर बाबा राष्ट्रीय स्वयंसेवक संघ (आरएसएस) शी संबंधित एका संघटनेचा अधिकारी असल्याचे भासवून अधिकारी आणि राजकीय नेत्यांना भेटला होता. इतकेच नाही तर तो ज्या संघटनेचे प्रतिनिधित्व करत होता त्याच्या लेटरहेडवर पंतप्रधान नरेंद्र मोदींचा फोटोही छापलेला होता.

तपासात असे दिसून आले आहे की छंगूर बाबा याला ‘भारत प्रतिकार्थ सेवा संघ’ नावाच्या संघटनेचे ‘अवध प्रदेश सरचिटणीस’ म्हणून नियुक्त करण्यात आले होते. ही संघटना ईदुल इस्लाम नावाच्या दुसऱ्या मुख्य आरोपीद्वारे चालवली जात होती. तपास यंत्रणांचे म्हणणे आहे की संघटनेचे नाव जाणूनबुजून असे ठेवण्यात आले होते जेणेकरून ते आरएसएसशी संबंधित असल्याचे भासेल.

हा भ्रम आणखी बळकट करण्यासाठी, ईदुल इस्लामने नागपूरमध्ये (आरएसएस मुख्यालय) संघटनेचे एक बनावट केंद्र देखील उघडले होते. असे वृत्त आहे की दोन्ही आरोपींनी अनेक अधिकाऱ्यांना आणि नेत्यांना भेटताना त्यांच्या संघटनेला कायदेशीर आणि प्रभावशाली बनवण्यासाठी वरिष्ठ आरएसएस कार्यकर्त्यांची नावे वापरली.

दरम्यान, छंगूर बाबा या महिन्यात अटक करण्यात आली. एटीएसच्या एफआयआरमध्ये, छंगूर बाबावर परदेशी निधीद्वारे भारतात दहशतवादी प्रशिक्षण केंद्रे उभारण्याचा कट रचल्याचा आरोप आहे. त्याला ५०० कोटी रुपयांपेक्षा जास्त परदेशी निधी मिळाल्याचाही आरोप आहे, ज्यामध्ये आखाती देशांची आणि शक्यतो पाकिस्तानची भूमिका असल्याचे सांगितले जात आहे.

हे ही वाचा : 

छंगूर बाबा आणि त्याच्या सहकाऱ्यांच्या २२ बँक खात्यांची चौकशी करताना ईडीला आतापर्यंत ६० कोटींच्या मनी लाँड्रिंगचे पुरावे सापडले आहेत. बाबाने संशयास्पद व्यवहाराद्वारे मुंबईत ‘रणवल ग्रीन्स’ नावाची मालमत्ता खरेदी केल्याचे पुरावेही सापडले आहेत. याशिवाय, छंगूर बाबाचे ‘लोगोस मरीन’ नावाच्या पनामा येथील कंपनीशी संबंध असल्याचेही तपासात उघड झाले आहे. या प्रकरणी पथकाकडून अधिक तपास सुरु आहे.