केजरीवाल यांचा मुख्यमंत्रीपदाचा राजीनामा ही नौटंकी !

आपचे नेते मनीष सिसोदिया आज अरविंद केजरीवाल यांची त्यांच्या निवासस्थानी भेट घेणार आहेत. अरविंद केजरीवाल यांनी राजीनामा देणार असल्याची घोषणा रविवारी केल्यानंतर हे दोघे दिल्लीच्या मुख्यमंत्रिपदाच्या संभाव्यतेवर चर्चा करणार आहेत. या पार्श्वभूमीवर विरोधकांनी या प्रकाराला पीआर स्टंट आणि केवळ नौटंकी म्हणून याचा उपहास केला आहे.

मद्य धोरण प्रकरणात सर्वोच्च न्यायालयाने जामीन मंजूर केल्यानंतर शुक्रवारी तिहार तुरुंगातून मुक्त झालेल्या अरविंद केजरीवाल यांनी आप नेते आणि कार्यकर्त्यांना आपल्या पहिल्या भाषणात राजीनामा देणार असल्याचा निर्णय जाहीर केला. या पार्श्वभूमीवर येत्या दोन दिवसांत विधिमंडळ पक्षाची बैठक होणे अपेक्षित असल्याचेही त्यांनी सांगितले.

हेही वाचा..

नापाक इरादे… भारत- बांगलादेश सीमेवर आण्विक क्षेपणास्त्रे तैनात करण्याविषयी चर्चा

युपीमधून धर्मांतरासाठी नेत होते नेपाळला, हिंदू संघटनांनी काळे फासून पास्टरला लावले पळवून !

कर्नाटकातील मंगळुरूमध्ये विहिंप आणि बजरंग दलाची निदर्शने !

बजाज हाऊसिंग फायनान्सची दमदार एन्ट्री; ११४ टक्क्यांनी वाढला शेअरचा भाव

केजरीवाल म्हणाले होते की आपण दोन दिवसांनी मुख्यमंत्रिपदाचा राजीनामा देणार आहे. जोपर्यंत जनता निकाल देत नाही तोपर्यंत मी मुख्यमंत्रिपदाच्या खुर्चीवर बसणार नाही. मी प्रत्येक घरात आणि गल्लीत जाईन आणि तोपर्यंत मुख्यमंत्र्यांच्या खुर्चीत बसणार नाही. मला लोकांकडून निर्णय मिळणे अपेक्षित असल्याचे ते म्हणाले.

रविवारी एकस्वर लिहिलेल्या एका पोस्टमध्ये सिसोदिया म्हणाले की, जर जनतेने त्यांच्या प्रामाणिकपणाला मान्यता दिली तरच ते देखील दिल्लीचे उपमुख्यमंत्री म्हणून परत येतील. मी प्रामाणिकपणे काम केले, पण क्षुल्लक राजकारणाखाली माझ्यावर खोटे आरोप करून मला अप्रामाणिक सिद्ध करण्याचा प्रयत्न करण्यात आला. खोट्या आरोपांवरून मला १७ महिने तुरुंगात डांबण्यात आले. दोन वर्षांच्या कायदेशीर प्रक्रियेनंतर आता देशाच्या सर्वोच्च न्यायालयानेही हे सांगितले आहे. काम करा असे सांगितले आहे. पण मी सध्या शिक्षण मंत्रीपदाच्या खुर्चीच्या लालसेपोटी राजकारणात आलो नाही. मी अरविंद केजरीवाल यांच्यासमवेत जनतेच्या दरबारात जाऊन विचारणार आहे की, जनता मला प्रामाणिक मानते की नाही, हे जनतेने मान्य केले तरच मी सभागृहात बसेन.

केजरीवाल म्हणाले, आपण मनीष यांच्याशी बोललो, त्यांनीही सांगितले आहे की आम्ही प्रामाणिक आहोत असे लोक सांगतील तेव्हाच ते पद सांभाळतील. सिसोदिया आणि माझे भवितव्य आता तुमच्या हातात आहे. आपच्या जवळच्या सूत्रांनी सांगितले की, सर्वोच्च पदाचा राजीनामा दिल्यानंतर केजरीवाल १५ दिवसांत मुख्यमंत्री यांचे घर सोडतील. पक्षाच्या अंतर्गत सूत्रांनी पुढे सांगितले की, पद सोडण्याचा निर्णय केजरीवाल यांनीच वरिष्ठ आप नेत्यांच्या बंद दरवाजा बैठकीत घेतला होता.