रणवीर सिंग अभिनीत आणि आदित्य धर दिग्दर्शित गुप्तहेर विषयावरील अॅक्शन थ्रिलर ‘धुरंधर’ हा चित्रपट २०२५ मधील परदेशातील सर्वाधिक कमाई करणारा भारतीय चित्रपट ठरला आहे. अवघ्या १७ दिवसांत या चित्रपटाने रजनीकांत यांच्या ‘कुली’ या चित्रपटाला मागे टाकत नवा विक्रम प्रस्थापित केला.
‘धुरंधर’ने आतापर्यंत परदेशी बाजारात सुमारे १८६ कोटी रुपयांची कमाई केली असून, ‘कुली’ची एकूण परदेशी कमाई १८०.५० कोटी रुपये इतकी होती. जोरदार प्रतिसादामुळे हा चित्रपट लवकरच २०० कोटींचा टप्पा ओलांडेल, असा अंदाज व्यक्त केला जात आहे. रणवीर सिंगसाठी ही एक ऐतिहासिक कामगिरी मानली जात आहे.
भारतामध्येही चित्रपटाची घोडदौड कायम असून, तिसऱ्या शनिवारी ३४.२५ कोटी आणि रविवारी ३८.५ कोटी रुपयांची कमाई झाली. त्यामुळे देशांतर्गत एकूण कमाई ५५५.७५ कोटी रुपये झाली आहे.
हे ही वाचा:
एका कॅलेंडर वर्षात सर्वाधिक बळी घेणारा कीवी गोलंदाज ठरला जेकब डफी
विजय हजारे ट्रॉफीसाठी सूर्यकुमार यादव आणि शिवम दुबे दोन सामने खेळणार
हुमायूँ कबीर समाजात तणाव निर्माण करण्यासाठीच ओळखले जातात
जागतिक स्तरावर ‘धुरंधर’ने ८०० कोटी रुपयांचा टप्पा पार केला असून, लवकरच ‘कांतारा: द लिजेंड – चॅप्टर १’ (सुमारे ८५२ कोटी) चा विक्रम मोडण्याची शक्यता आहे. सध्याच्या वेगाने पाहता, हा चित्रपट २०२५ मधील सर्वाधिक कमाई करणारा भारतीय चित्रपट ठरण्याची दाट शक्यता आहे.
जिओ स्टुडिओज आणि B62 स्टुडिओज निर्मित या चित्रपटाचे पुढील लक्ष्य १००० कोटी रुपयांचा जागतिक टप्पा असून, सध्या त्याला कोणतीही मोठी स्पर्धा नसल्याने तो वर्षअखेरीस बॉक्स ऑफिसवर निर्विवाद वर्चस्व प्रस्थापित करेल, असा विश्वास व्यापार तज्ज्ञ व्यक्त करत आहेत.