निमिषा प्रियाला लवकरात लवकर फाशी द्या!

येमेनमध्ये मृत्युदंडाची शिक्षा भोगत असलेल्या भारतीय परिचारिका निमिषा प्रियाबाबत एक नवी माहिती समोर आली आहे. निमिषा यांच्यावर हत्येचा आरोप असलेल्या येमेनी नागरिक तलाल अब्दो महदी यांचे कुटुंब संताप व्यक्त करताना दिसत आहे. त्यांनी येमेनच्या हुथी सरकारकडे निमिषा यांना लवकरात लवकर फाशी देण्याची मागणी केली आहे.

यापूर्वी केरळमधील रहिवासी निमिषा यांना १६ जुलै रोजी फाशी देण्यात येणार होती परंतु ती अनिश्चित काळासाठी पुढे ढकलण्यात आली. आता पीडितेच्या कुटुंबांनी येमेन सरकारकडे निमिषा यांना कोणताही विलंब न करता फाशी देण्याची मागणी केली आहे. मृत तलालचा भाऊ अब्दुल फताह अब्दो महदी यांनी सोशल मीडियावर एक पत्र लिहून निमिषा प्रियाला लवकरात लवकर शिक्षा देण्याची मागणी केली आहे.

अब्दुल यांनी हे पत्र ३ ऑगस्ट रोजी लिहिले आहे आणि ते येमेनचे अॅटर्नी जनरल, न्यायाधीश अब्दुल सलाम अल हुथी यांना लिहिले आहे. या पत्रात कुटुंबाने पुन्हा एकदा निमिषा यांना फाशी देण्याची मागणी केली आहे. पत्रात म्हटले आहे की, ‘शिक्षा पुढे ढकलून दीड महिना उलटला आहे आणि अद्याप कोणतीही नवीन तारीख निश्चित केलेली नाही. आम्ही, पीडितेचे कुटुंब, शिक्षेचा आमचा अधिकार लागू करण्याची जोरदार मागणी करत आहोत. आम्ही कोणत्याही प्रकारच्या मध्यस्थी किंवा उपायांना नकार देतो, असे पत्रात त्यांनी म्हटले आहे. या पत्रात महदीच्या कुटुंबाने म्हटले आहे की न्याय आणि कायदेशीर हक्क राखण्यासाठी मृत्युदंड आवश्यक आहे.

हे ही वाचा : 

डेंग्यूमधून बरे झाल्यानंतरही जाणवतेय कमजोरी?

सनातन परंपरा नसती, तर हिंदू धर्मच उरला नसता

भारतातील सर्वात श्रीमंतांची ६०% संपत्ती रिअल इस्टेट, सोन्यात

काँग्रेस खोटा नॅरेटिव्ह पसरवतेय

दरम्यान, परराष्ट्र मंत्रालयाने शुक्रवारी (१ ऑगस्ट) पुष्टी केली की येमेनमध्ये भारतीय नागरिक निमिषा प्रियाची फाशी पुढे ढकलण्यात आली आहे. तथापि, मृत्युदंड पूर्णपणे रद्द करण्याचे वृत्त खोटे असल्याचेही त्यांनी स्पष्ट केले. या प्रकरणात प्रसारित होणाऱ्या निराधार वृत्तांपासून आणि चुकीच्या माहितीपासून दूर राहण्याचे आवाहन मंत्रालयाने जनतेला आणि माध्यमांना केले आहे. परराष्ट्र मंत्रालयाचे प्रवक्ते रणधीर जयस्वाल म्हणाले की, सरकार प्रिया आणि तिच्या कुटुंबाला सर्वतोपरी मदत करत आहे आणि या समस्येचे निराकरण करण्यासाठी स्थानिक अधिकारी आणि मैत्रीपूर्ण सरकारांशी जवळून काम करत आहे.