गगनप्रीत कौरच्या जामिनाच्या अर्जावर सुनावणी तहकूब

दिल्लीतील एका न्यायालयाने शनिवारी झालेल्या बीएमडब्ल्यू रस्ता अपघातातील मुख्य आरोपी गगनप्रीत कौरच्या जामिनाच्या अर्जावरची सुनावणी २४ सप्टेंबरपर्यंत पुढे ढकलली आहे. न्यायालयाने पोलिसांची ही बाजू मान्य केली की, त्यांना अद्याप आरोपीचा मोबाईल फोन आणि ड्रायव्हिंग लायसन्स जप्त करता आलेले नाही. तपास अधिकाऱ्यांनी न्यायिक दंडाधिकारी अंकित गर्ग यांना सांगितले की, या टप्प्यावर तिला जामीन देणे योग्य ठरणार नाही, कारण चौकशी अद्याप प्राथमिक अवस्थेत आहे.

अभियोजन पक्षाच्या वकिलाने सांगितले की, आम्हाला अजूनही आरोपीचा मोबाईल फोन आणि ड्रायव्हिंग लायसन्स मिळालेला नाही. कौरच्या वकिलांनी न्यायालयाला सांगितले की, कौरचा मोबाईल फोन तिच्या पतीकडे आहे आणि शनिवारी संध्याकाळपर्यंत तो पोलिसांकडे सुपूर्द केला जाईल. त्यांनी दावा केला की, कौरचे ड्रायव्हिंग लायसन्स आधीच चौकशी अधिकार्‍यांना दिले गेले होते, मात्र जर ते रेकॉर्डमध्ये नसल्यास कुटुंब पुन्हा ते पोलिसांकडे जमा करेल.

हेही वाचा..

काँग्रेसकडून परिवारवादाला संविधानापेक्षा वरचे स्थान

उद्या वर्षातील शेवटचे सूर्यग्रहण

लंडनच्या हीथ्रो, ब्रुसेल्ससह प्रमुख युरोपियन विमानतळांवर सायबर हल्ला; असंख्य उड्डाणे रद्द

‘एनसीडी’ आजाराबद्दल हे माहित आहे का ?

१४ सप्टेंबर रोजी धौला कुआजवळ झालेल्या रस्ता अपघातात वित्त मंत्रालयातील उपसचिव नवजोत सिंह यांचा मृत्यू झाला होता, तर त्यांची पत्नी संदीप कौर गंभीर जखमी झाली होती. या प्रकरणात गगनप्रीत कौरला अटक करण्यात आली आहे. हा अपघात दुपारी साधारण १ वाजता दिल्ली कॅन्ट मेट्रो स्टेशनजवळ झाला होता. पीडित दाम्पत्य मोटरसायकलवरून बंगला साहिब गुरुद्वारातून परतत असताना, कथितरित्या गगनप्रीत कौर चालवत असलेल्या बीएमडब्ल्यूने त्यांना धडक दिली. अपघाताच्या वेळी आरोपीचा पती प्रवासी आसनावर बसलेला होता.

दरम्यान, आरोपीने दाखल केलेल्या स्वतंत्र अर्जावर न्यायालयाने पोलिसांना नोटीस बजावली. या अर्जात अपघातस्थळावरील सीसीटीव्ही फुटेज सुरक्षित ठेवण्याची मागणी करण्यात आली होती. अपघातानंतर पोलिसांनी हत्या करण्याचा प्रयत्न आणि बेपर्वाईने वाहन चालवणे यांसारख्या विविध फौजदारी कलमांखाली गुन्हा दाखल केला आहे. पोलिस पुराव्यांशी छेडछाड करण्याच्या शक्यतेचीही चौकशी करत आहेत.