देवनार-मानखुर्द जन्म प्रमाणपत्र घोटाळा: १०३ जणांना बोगस जन्म प्रमाणपत्र वितरित

एम/पूर्व विभागातील मानखुर्द महापालिका कार्यालयात मोठा जन्म प्रमाणपत्र घोटाळा समोर आला आहे. प्रशासनाकडून केवळ ३ लोकांची विलंबित जन्म नोंदणी करण्यास परवानगी देण्यात आली होती, मात्र प्रत्यक्षात १०३ जणांची बेकायदेशीरपणे जन्म नोंदणी करून त्यांना प्रमाणपत्रे जारी करण्यात आली, असा गंभीर प्रकार उघडकीस आला आहे. भाजपा नेते किरीट सोमय्या यांनी ही माहिती दिली. या प्रकरणी ते आज (३० सप्टेंबर) देवनार पोलीस ठाण्यात तक्रार दाखल करणार आहेत.