एम/पूर्व विभागातील मानखुर्द महापालिका कार्यालयात मोठा जन्म प्रमाणपत्र घोटाळा समोर आला आहे. प्रशासनाकडून केवळ ३ लोकांची विलंबित जन्म नोंदणी करण्यास परवानगी देण्यात आली होती, मात्र प्रत्यक्षात १०३ जणांची बेकायदेशीरपणे जन्म नोंदणी करून त्यांना प्रमाणपत्रे जारी करण्यात आली, असा गंभीर प्रकार उघडकीस आला आहे. भाजपा नेते किरीट सोमय्या यांनी ही माहिती दिली. या प्रकरणी ते आज (३० सप्टेंबर) देवनार पोलीस ठाण्यात तक्रार दाखल करणार आहेत.
किरीट सोमय्या यांनी एक्सवर पोस्टकरत म्हटले, एम/ पूर्व महापालिका कार्यालय, मानखुर्द द्वारा १०३ लोकांची बेकायदेशीररित्या विलंबित जन्म नोंदणी करण्यात आली, त्यांना जन्म प्रमाणपत्र देण्यात आले. त्या संदर्भात तक्रार करण्यासाठी मी स्वतः माइया सहयोगीसह उद्या दि. ३० सप्टेंबर रोजी १२ वाजता देवनार पोलीस स्टेशनला भेट देणार आहे.
हे ही वाचा :
खान नगर पूजामंडपात ‘ऑपरेशन सिंदूर’ आधारित दुर्गापूजा; भारतीय सैन्याच्या शौर्याचे दर्शन!
२६/११ मुंबई दहशतवादी हल्ल्यानंतर प्रत्युत्तर द्यायचे होते पण… काय म्हणाले पी चिदंबरम?
गाझासाठी अमेरिकेची शांतता योजना, मोदींनी स्वागत करत म्हटले-‘व्यवहार्य मार्ग’
दहशतवादी गटाशी संबंध असल्याचे भासवून ७० लाखांची फसवणूक
मुंबई उपनगर जिल्हाधिकारी कार्यालय व कुर्ला तहसीलदार कार्यालयाकडून स्पष्ट करण्यात आले आहे की, मानखुर्द, गोवंडी व देवनार परिसरातील विलंबित जन्म नोंदणीसाठी फक्त ३ व्यक्तींच्या नोंदणीस अधिकृत परवानगी दिली होती. मात्र, मानखुर्द पूर्व (एम/पूर्व) महापालिका कार्यालयाने यावर्षी २०२४ मध्ये तब्बल १०३ जणांची नोंदणी करून त्यांना जन्म प्रमाणपत्रे जारी केली आहेत. म्हणजे मानखुर्द महापालिका विभागाने १०३ अपात्र पुसखोर लोकांना बेकायदेशीररित्या जन्म प्रमाणपत्र दिले आहे, असे सोमय्या यांनी म्हटले आहे.
मानखुर्द येथे जन्म प्रमाणपत्र घोटाळा !
103 अपात्र/ घुसखोरांनी फसवणुकीने जन्म प्रमाणपत्र प्राप्त केले आहे.
त्यांच्यावर कारवाई व्हावी यासाठी मंगळवार 30 सप्टेंबर दुपारी 12 वाजता आम्ही देवनार पोलीस स्टेशन येथे पोलिस तक्रार करायला जाणार आहोत.
नोंद घ्यावी, ही विनंती. pic.twitter.com/I5ndK1IbKc
— Kirit Somaiya (@KiritSomaiya) September 29, 2025
