भारतीय सैन्याची ताकद आता अनेक पटींनी वाढणार आहे. भारताने अमेरिकेसोबत ३१ एमक्यू-९बी प्रीडेटर ड्रोन खरेदी करण्याचा करार केला आहे. दोन्ही देशांमधील या करारावर दोन्ही पक्षांनी स्वाक्षरी केली आहे. या कराराबाबत दोन्ही देशांमध्ये बराच काळ चर्चा सुरू होती. हा करार ३२ हजार कोटी रुपयांचा आहे. परंतु वृत्तानुसार, डीलची एकूण किंमत ३४,५०० कोटी रुपयांपर्यंत वाढू शकते. या करारामुळे भारतीय सशस्त्र दलांची देखरेख क्षमता वाढणार आहे. संरक्षणविषयक कॅबिनेट समितीने गेल्या आठवड्यातच या कराराला मंजुरी दिली होती.
भारताने ३१ प्रीडेटर ड्रोन खरेदी करण्याचा करार गेल्या वर्षी पंतप्रधान मोदींच्या अमेरिका भेटीदरम्यान केला होता. या कराराच्या महत्त्वाबाबत अमेरिकेच्या परराष्ट्र विभागाचे प्रवक्ते मॅथ्यू मिलर म्हणाले होते की, या करारामुळे दोन्ही देशांमधील सामरिक तांत्रिक सहकार्य आणि लष्करी सहकार्यात लक्षणीय वाढ होईल. संरक्षण तज्ज्ञांच्या मते, प्रीडेटर ड्रोन MQ-९B ताब्यात घेतल्याने हिंदी महासागरात भारतीय नौदलाची देखरेख शक्ती अनेक पटींनी वाढेल. अमेरिकन कंपनी जनरल ॲटोमिक्सनकडून हे प्रीडेटर ड्रोन खेर्डी करण्यात येणार आहेत. या करारांतर्गत मिळालेल्या ३१ प्रिडेटर ड्रोनपैकी भारतीय नौदलाला १५ ड्रोन मिळणार आहेत. तर हवाई दल आणि लष्कराला प्रत्येकी ८ ड्रोन मिळणार आहेत.
MQ-९B ड्रोन इंधन न भरता २,००० मैल उडू शकते आणि १,७०० किलो माल वाहून नेऊ शकते, ज्यामध्ये चार क्षेपणास्त्रे आणि सुमारे ४५० किलो बॉम्बचा समाविष्ट आहे. ड्रोनचे निर्माते जनरल ॲटोमिक्स एरोनॉटिकल सिस्टीम्सने दावा केला आहे की, हे ड्रोन नॉनस्टॉप उड्डाण करू शकतात किंवा ३५ तासांपर्यंत उड्डाण करू शकतात
