किश्तवाडमध्ये दोन दहशतवादी लपल्याची माहिती!

जम्मू-काश्मीरमधील किश्तवाडच्या दुल भागात भारतीय लष्कराच्या जवानांनी दहशतवादविरोधी मोहीम सुरू केली. किश्तवाडच्या दुल भागात दोन दहशतवादी लपल्याची माहिती मिळाल्यानंतर शोध मोहीम सुरू आहे. लष्कराने संपूर्ण परिसराला वेढा घातला आहे. लष्कराचे जवान आणि दहशतवाद्यांमध्ये गोळीबार सुरू आहे. भारतीय लष्कराच्या व्हाईट नाईट कॉर्प्सच्या हवाल्याने वृत्तसंस्था पीटीआयने चकमकीची पुष्टी केली आहे.

दक्षिण काश्मीरमधील कुलगाम जिल्ह्यात शनिवारीही ऑपरेशन अखल सुरूच होते, शनिवारी दहशतवाद्यांशी झालेल्या चकमकीत दोन लष्करी जवान हुतात्मा झाले आणि दोन सैनिक जखमी झाले. ऑपरेशन अखल हे सैन्याच्या आतापर्यंतच्या सर्वात मोठ्या दहशतवादविरोधी कारवाईंपैकी एक आहे. जंगलाने वेढलेल्या अखल परिसरात दहशतवाद्यांचे अस्तित्व आढळून आल्यानंतर सुरक्षा दलांनी १ ऑगस्ट रोजी घेराबंदी आणि शोध मोहीम सुरू केली. आतापर्यंत ऑपरेशन अखलमध्ये दोन दहशतवादी ठार झाले आहेत.

हे ही वाचा :

इराणने २० कथित इस्रायली गुप्तहेरांना केली अटक!

“रशियाला जमीन देणार नाही!”

लाडकी बहिण योजने’चा पुढचा प्रवास काय?

पवारांनी आता कादंबऱ्या लिहाव्यात…

शोध मोहीम सुरूच

शनिवारी, जम्मू आणि काश्मीर पोलिसांनी किश्तवाड जिल्ह्यातील २६ घरांची झडती घेतली आणि त्यात हिज्बुल मुजाहिदीनचा दहशतवादी मोहम्मद अमीन भट उर्फ जहांगीर सरूरी याचे घरही होते. भट व्यतिरिक्त, छापे प्रामुख्याने पाकिस्तान आणि पाकव्याप्त काश्मीरमधून कार्यरत असलेल्या दहशतवाद्यांच्या आणि सीमेपलीकडून शस्त्रास्त्रे आणि दारूगोळा तस्करी करणाऱ्यांच्या घरांवर टाकण्यात आले, असे अधिकाऱ्यांनी सांगितले.