“नेहरूंनी ‘वंदे मातरम’मधून माँ दुर्गेची स्तुती करणारे श्लोक जाणूनबुजून वगळले”

भाजपाचे प्रवक्ते सीआर केशवन यांनी काँग्रेस पक्षावर निशाणा साधत ‘वंदे मातरम’ या राष्ट्रीय गीतात जाणूनबुजून बदल केल्याचा आरोप केला. त्यांनी असा दावा केला की, १९३७ मध्ये जवाहरलाल नेहरूंच्या नेतृत्वाखाली देवी दुर्गाची स्तुती करणारे श्लोक या गीतातून काढून टाकण्यात आले होते. केशवन यांनी आरोप केला की, हा निर्णय काही सांप्रदायिक गटांना खुश करण्यासाठी घेण्यात आला होता.

एक्सवरील एका पोस्टमध्ये, केशवन यांनी दावा केला की, काँग्रेसने फक्त पहिले दोन श्लोक स्वीकारले. सांप्रदायिक विचारांमुळे देवी माँ दुर्गेचे आवाहन करणारे नंतरचे श्लोक त्यांनी वगळले. सोशल मीडिया पोस्टमध्ये त्यांनी असे म्हटले आहे की, “आपल्या तरुण पिढीला हे जाणून घेणे अत्यंत आवश्यक आहे की, नेहरूंच्या अध्यक्षतेखाली काँग्रेस पक्षाने आपल्या जातीय अजेंड्याला कसे निर्लज्जपणे पुढे नेले. १९३७ च्या फैजपूर अधिवेशनात पक्षाचे राष्ट्रीय गीत म्हणून फक्त छोटेसे वंदे मातरम कसे स्वीकारले, तर पंतप्रधान नरेंद्र मोदी हे १५० व्या वर्धापन दिनानिमित्त आपल्या गौरवशाली वंदे मातरमच्या पूर्ण आवृत्तीच्या सामूहिक पठणात सहभागी होतील. त्यांनी असेही म्हटले की हे गाणे कोणत्याही विशिष्ट धर्माचे किंवा भाषेचे नव्हते परंतु, काँग्रेसने ते धर्माशी जोडून आणि देवीला केलेली प्रार्थना काढून टाकून ऐतिहासिक पाप आणि चूक केल्याचा आरोप त्यांनी केला.

“गौरवशाली वंदे मातरम हे आपल्या देशाच्या एकतेचा आवाज बनले, आपल्या मातृभूमीचा उत्सव साजरा केला, राष्ट्रवादी भावना जागृत केली आणि देशभक्ती वाढवली. ब्रिटिशांनी त्याचे जप करणे हा गुन्हा ठरवला. ते कोणत्याही विशिष्ट धर्माचे किंवा भाषेचे नव्हते. परंतु काँग्रेसने हे गाणे धर्माशी जोडण्याचे ऐतिहासिक पाप आणि चूक केली. नेहरूंच्या नेतृत्वाखाली काँग्रेसने धार्मिक कारणांचा हवाला देत वंदे मातरमचे श्लोक जाणूनबुजून काढून टाकले, ज्यात देवी माँ दुर्गेची स्तुती केली होती,” असे केशवन यांनी पुढे म्हटले आहे.

हे ही वाचा:

“वंदे मातरम हे शब्द म्हणजे मंत्र, ऊर्जा, स्वप्न आणि संकल्प”

“वंदे मातरम्” गीताच्या १५० व्या वर्धापन दिनानिमित्त टपाल तिकिट, नाणे प्रकाशित

दिल्लीच्या इंदिरा गांधी आंतरराष्ट्रीय विमानतळावरील १०० हून अधिक उड्डाणे विलंबाने! कारण काय?

कर्ज फसवणूक प्रकरणात राज कुंद्रा आणि शिल्पा शेट्टीने निधी वळवल्याचा सापडला पुरावा

१९३७ मध्ये, काँग्रेस कार्यकारिणीने मुस्लिम समुदायाला दुखावू नये म्हणून फक्त पहिले दोन श्लोक गाण्याचा निर्णय घेतला. केशवन यांनी २० ऑक्टोबर १९३७ रोजी नेहरूंनी नेताजी सुभाषचंद्र बोस यांना लिहिलेल्या पत्राचा उल्लेख केला ज्यामध्ये नेहरूंनी लिहिले आहे की गाण्याची पार्श्वभूमी मुस्लिमांना चिथावू शकते आणि पुढे असे म्हटले आहे. १ सप्टेंबर १९३७ रोजी लिहिलेल्या पत्रात, नेहरूंनी द्वेषपूर्णपणे लिहिले आहे की वंदे मातरममधील शब्दांना देवतेशी संबंधित मानणे हास्यास्पद आहे. ते असेही उपहासात्मकपणे मत मांडतात की वंदे मातरम हे राष्ट्रीय गीत म्हणून योग्य नाही. नेताजी सुभाष बोस यांनी वंदे मातरमच्या संपूर्ण मूळ आवृत्तीचे जोरदार समर्थन केले होते. २० ऑक्टोबर १९३७ रोजी नेहरूंनी नेताजी बोस यांना पत्र लिहून दावा केला होता की वंदे मातरमची पार्श्वभूमी मुस्लिमांना डिवचण्याची शक्यता आहे.

केशवन यांनी नेहरूंची कृती आणि काँग्रेस नेते राहुल गांधी यांच्या अलिकडच्या वक्तव्यांमध्ये तुलना केली. ते म्हणाले, “१९३७ मध्ये, काँग्रेस अध्यक्ष असताना नेहरूंनी वंदे मातरमचे गाणे छाटून देवी मा दुर्गेचा उल्लेख वगळला होता, तर मार्च २०२४ मध्ये राहुल गांधींनी दुर्भावनापूर्णपणे टिप्पणी केली होती की, हिंदू धर्मात शक्ती नावाचा एक शब्द आहे आणि आपण शक्तीविरुद्ध लढत आहोत. नेहरूंच्या हिंदू विरोधाभासी मानसिकतेचा आवाज राहुल गांधींमध्ये आढळतो, ज्यांनी अलिकडेच पवित्र छठपूजेला नाटक म्हणून अपमानित केले आणि कोट्यवधी भाविकांच्या भावना दुखावल्या.”